سوق الجمل يالعميل ::: إن كان حملك يشيل ............ مهوب طارف ويبغى يسد..

[حمدان المطرفي]

بسم الله الرحمن الرحيم

السلام عليكم ورحمة الله وبركاته

مقصّرين يعلم الله

غيااااب طويل

لكن بإذن الله نتواصل

سوق الجمل يالعميل=إن كان حملك يشيل
والناس حولك مقيل=نفتل وننقض كلام

ياسلام الله على الويلان تسليم=من شاعرن يطرق القيفان ويصيب
منهو عميل الوفا يقرب مع الغيم=نبغى مخيلن يطشطش للمراقيب

بإنتظار عميل الخير

أخوكم / حمدان بن ربيّع المطرفي العنزي

[سلامة الجعفري]

حياك الله ياحمدان

والله كلنا مقصرين


لكن استلم

حييت وابشر بــــنا = لن كان جاك العنا
خصمك مايلقى هنا = في نور والا ظلام

يامرحبا والفهيم يقال هذا فهيم = تقدر تفاهم معه من دون شك ٍ وريب
الوزن والقافية تحتاج سين ٍ وجيم = لكنّ انا مسلم ٍ لامن دعي يستجيب

[حمدان المطرفي]

أبقاك ربي ولاانت

استلم لاهنت يالعزوه :

راحت على المنتدى
محشومن دون الردى
وآشوف التعب سدى
نفتل وننقض كلام


لاشكّ بعض العرب يحتاج تعليم
من شان يعرف طروق الشعر ويجيب


ماهو بحرنا ( بسيط ) ..... افهم ياصكيم
يلزمك تاخذ معي درسن وترتيب

[حمدان المطرفي]

ياسلامي ... ياسلام
هاءه ضاعت فالكلام
وكلّن يضدّه سنام
خلّ اللعب والغمام


ابك العرب ماتبي همهم وتمتيم
ياللي تعرف اللعب ياكاسب الطيب

ناتج حصيلك ونضرب زود تقسيم
والبيت ياصاحبي فتلن وتكريب


صح لساااانك يالبناخي ولاهنت

كان ودي نلعب متواصلين مو تقاطيع

واستر ماواجهت