(العود وعياله)صوت وصدى (ماجد الجعفري--سالم صالح) - °~*¤®§(§ شبـــكة ويــلان العـربـيـه §)§®¤*~ˆ°

**سالم صالح** · 14/09/09, (10:03 PM)

صوت وصدا بيني وبين اخي العزيز والشاعر المبدع / ماجد الجعفري فيه عتاب اللي عودنا الذي سبب لنا معاناه وهذه المعاناه طالت راس الهرم في هذا المنتدى الاستاذ/ هندي المقبل --ومحمد الدلماني قبل ان تصل الاعضاء الاخرين ونحن في هذا المنتدى اخوه في كل شي وكانت هذه الابيات لمداعبة منتدانا وتحذيره بعد زواجه الجديد وانتقاله الى منزله الاخر ان ابنائه يحذرونه وكانت البداية من اخوي العزيز

الشاعر / ماجد الجعفري وهو كان يبي يورطني بس انا اخذت الاذن من ابو سيف وسمحلي

ياسالم (العود) كم له مده مخالف=وش قصته ماهو بحاله طبيعية
مدري علامة اشوفه كنه الحالف=متعب عياله مع الروحه وبالجيه
تقول انه مولع قلبه موالف=هاوي بنيه بارض الشام سوريه
مسكين وضعه وكله صار متخالف=الله يستر اذا مافيه جنيه
ماهو طبيعي اظن ارسيفره تالف=محتاج له ياصويب الراي وزنيه
قدم لي الحل شفني معك متحالف=لو يلزم الوضع منا دز جاهيه
من شان يرجع ياخوي لعهده السالف= والا ابكتب على فرقاه مرثيه

وهذا ردي علها تكون وجبه خفيفه على انفسكم الطاهرة

ياماجد الغانم ادري عودنا مخالف=اخذ له بنيتاً بالزين حوريه
والوضع تعرف يبي له جهدٍ وكالف=ليله نهاره على موال حنيه
والعود دربه تغير ماهو السالف=يمكن يبي له على ماقلت وزنيه
والحل نصبر يجوز يصلح التالف=والعود يجمع عياله وسط كليه
ويعود دارٍ على مبناه متحالف=بالطيب كلاً شبك يديه بيديه
وياخوك بيتٍ جمعنا لاسمه نوالف=لابد نبقى على مبداه والنيه

وسلامتكم وكل التقدير والاحترام للجميع

**نافع عيد الجديد** · 15/09/09, (05:38 AM)

صوت وصدى رائعين لشعار جزلين بكل ماتعنيه الكلمه

صحت لسنتكم جميعا

لكم التحيه والتقدير

**masha3el ** · 15/09/09, (05:47 AM)

صوت وصدى رائع
شاعرين مميزين ومتألقين
صح لسانك شاعرنا سالم صالح
صح لسانك شاعرنا ماجد الجعفري

بس وش السالفه مافهمت ؟؟ تقصدون فيها من بالضبط الاستاذ هندي المقبل او الاستاذ محمد الدلماني
يعني جالسين تحشوون بمن بالضبط !!!!
<<< حويريشه

**سالم صالح** · 19/09/09, (02:17 AM)

اهلا بك شاعرنا المميز /نافع الجديد

نورتنا بنورك بس شكلنا نبي نطرد من المنتدى عقب هالقصيدة الله يستر

هههههههه تقبل تقديري

**سالم صالح** · 19/09/09, (02:19 AM)

الكاتبة / مشاعل

مرور رااااااااااائع بس لاتورطينا مع الادارة الله يستر لانطرد

**رابح الغضيان** · 19/09/09, (04:37 AM)

صوت رائع

وصدى جميل

من شاعرين رائعين

الله لايحرمنا لامنكم ولامن هذا العود

تحيااااااااااااتي لكم

**طلال الايداء** · 19/09/09, (05:01 AM)

صح الله لسانك ولسانه

ولاهنتوا على هذه النصوص الرااقيه
وفي لاخير الله لايجيب عتب بينا
كلنا خدمه لمنتدانا منتدى ويلان العريق

ومهما بذلنا من جهد لهذااا المنتدى نعتبر مقصيرييين
والف مليون شكر لمدرى ومشرفين هذااا المنتدى الراااقي

اللذي يحمل اسم ويلان العريقه

وتقبلوووا مروووي المتوااضع

اخوكـم طــــــــــــــــلال الايداااء

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري