حكاية الجمس:والغضيان رابح

[الرااايق]

أحبابي أخترت لكم هذا النص أو بالأصح لطشت هذا النص من

الشاعر:الغضيان رابح
بحكم قربي من هذا الشاعر وسبق وان حقق معه
الشاعر خلف الغريب حول هذا النص حسب ماأفادنا به
الشاعر سالم صالح
وتراي بوجيهكم عن الغالي رابح إذا حاسبني حول هالطشه

حسبي على الجمــــــس ابو لوحة كويتيه
وحسبي على الحظ يــوم الحــظ وداني
****
من عقب مانــي حريـــصٍ في مماشيه
الراكب اللـــــي ورا الســـواق دهواني
****
ماهـي بشر يامشـاري شفت حوريه
الله اكـــــبر عليـها دعــــــــج الاعياني
****
واللي ذبحنــي خـــدودٍ شفــت ورديه
في يـــدها كـــاس مـــيّ وليته اسقاني
****
المـــيّ بيدينــــها يفـــــرق عــن إيديه
من شوفهـن ترتوي لوكنت عطشاني
****
ماهي من اهـــل الشمــــال ولا جنــوبيه
من قوم (كاهي) (ويـــانا)والبــلا ياني
****
وقفت مذهــول مــــدري وش جرى ليه
ونســــيت وش حاجـــــةٍ لأنسان وصاني
****
مـــاهـــو بوقتـــه واخـــونا يتـــــصل بيه
رديت مـــــــامن سنــــع ياللــــي تحراني
****
القلـــب ســـــافر ورا (يــــوكن) كويتيه
اللـــــي على لوحـــته مكتـــــوب خيطاني

ودي وتقديري واحترامي للجميع
اخوكم:الرااايق

[احساس قلم]

صح لسانه مليوووون
رابح من الشعراء الجزلين
وقفت مذهــول مــــدري وش جرى ليه
ونســــيت وش حاجـــــةٍ لأنسان وصاني
****
مـــاهـــو بوقتـــه واخـــونا يتـــــصل بيه
رديت مـــــــامن سنــــع ياللــــي تحراني
****
القلـــب ســـــافر ورا (يــــوكن) كويتيه
اللـــــي على لوحـــته مكتـــــوب خيطاني

ابيات رائعه حقااا
الرايق الطش وماعليك هههههههههههههههههههه
دامك تلطش قصايد رائعه
تراكـ بوجهي <<اقول مناك بس

[الرااايق]

ممنون مرورك العذب

كاتبتنا المميزه

احساس قلم

مرورك عطر متصفحي اختي الكريمه

بس اشنوح منّااااااك خلاص انا بوجهك هههههههههههههههه


احترامي لك

[بندر الوايلي]

صح لسان الشاعر الغضيان رابح والله يعينه على ما اصابه من راكب اليوكن الكويتي

[الرااايق]

شكراً على مرورك الكريم

اخي / بندر

[نافع عيد الجديد]

هههههههههههههههه انا اقول كل مااكلم ابو هيثم احصله بالكويت الله يعينه
شكرا لك يالرايق على هذا الاختيار لشاعر مميز بشهادة الكثير
لاتحرمنا جديدك لك الاحترام والتقدير

[هزاع الساري]

القلـــب ســـــافر ورا (يــــوكن) كويتيه
اللـــــي على لوحـــته مكتـــــوب خيطاني

صح لسانك يا الرايق

وصح لسان الداهيه رابح

لكن حبيت اوضح انه مافي لوحه مكتوب عليها (( خطيان )) بالكويت

لكن اكيد اللوحه موجوده في قلب رابح ...