يذكرني بها حزة غيوب الشمس وشراقه

[عبدالعزيز السعود]

الا واجض قلبي جضت اللي من كسر ساقه = تحطم عظم ساقه ماقوى رجله يوطيها
رماه الحظ الاقشر وأنحذف من راس شوهاقه = تسوقه قدرت الايام مايعلم بخافيها
تصفق به زمانه وأصتفق وأيام صفاقه = تكالت به همومٍ قاسيه ماهو بقاويها
على اللي دايم عيوني لها بالحيل مشتاقه = اعيش بقربها وأفرح اليامن جيب طاريها
رشيقٍ جسمها لاهي بمليانه ولا دقاقه = عطاه الله جمال الكون كله وأعتنى فيها
الياحضرت مع الخفرات عند اللعب شواقه = تهز الردف ثم يهتز شعرٍ اشقر مغطيها
يذكرني بها حزة غيوب الشمس وأشراقه = من الجذله غطاها الزين لين اسفل مواطيها
عسى اللي بينا حبل الصداقه شد مغلاقه = قطع ولف القلوب وعن بعضها ابعد مشاحيها
تجيه مصيبةٍ كبرى من الله تقطع ارزاقه = يموت وفي عذاب الاخره نار ايصاليها
ابنخى شيوخ وايل بالوفاء حماية الساقه = زحازيح الشيوخ اللي تفز بوجه عانيها
وأبنخى شيوخ نجد اللي لبيع العمر سواقه = تسوق ارواحها للموت ماتحسب تواليها
عسى ياشيوخ نجد الياحضرتوا نرفع الباقه = نرش من الورود وتصلح الدعوى وننهيها
ارّيح وأستريح وخافقي يبتلن أوراقه = وتزهر شجرةٍ حـر الضماء والقيض شاويها

الشاعر الرائع // طلال ..
أولاً : أسمح لي بتنسيق هذه القصيدة الفاخرة فهي تستحق أجمل وأروع تنسيق لانها راقية جداً ..
ثانياً : صح لسانك على هالقصيدة الجزله ولا تُستغرب فيها الجزاله فقائلها طلال وهذا يكفي ..
ننتظر جديدك بشوق فلا تبخل علينا ..
تحياتي ..