.. // .. لا واعذابي .. كانك .. اقفيت .. ما جيت .. //

[فهد السلقاوي]

بسم الله الرحمن الرحيم

//

:

//

السلام عليكم ورحمة الله وبركاته



//

:

//



الصد والهجر .. بلا سبب ..


يجعل لتشكيك العواذل مداخيل ..


لا اعلم .. لما حصل ما حصل ..


لا اعلم .. لا املك الجواب ..

..


الشيء الذي اعلمه ..

انني بغيابك .. اعيش يعذاااااااااااااااااااااااااااااب ..


:
:
:
:
:








لا واعذابي كانك .. اقفيت ما جيت

ولا عذابي ان طال .. هجره وصالك

//

شفني هجرت الناس .. من يوم صديت

ما غير يم عمك .. مسير وخــالك

//

عذري اتقهوى .. ما دروا ليه مريت

يمكن يجي طاريك .. واعرف حالك

//

يا طيبك اول .. ليه يومك ترديت

وش غيرك .. معقول ما اطري ببالك

//

تعبت انا اصبر .. ما بقا صبر مليت

تعبت اسامر .. شي اسمه خيـالك

//

تعبت اداري .. دمعتي كل ما امسيت

تعبت انا امشي .. درب كله مهالك

//

وش جاك مني .. ما اخبر شي سويت

غير العطا .. اللي طاع حضرة جمالك

//

رحتي وانا.. لضلوعي العوج ضميت

لا ما بقا بي قلب .. يا شين فالك

//

يكفي تراني .. واطي الجمر حنيت

حنت خلوج نياق .. تشكي عقالك

//

عز الله اني .. لضيق صدري تعليت

رجم الحزن .. يا ليل هب بشمالك

//

ابكي وانا خيال .. ما يوم جضيت

اشكي وانا ادري .. خاسر(ن) من شكالك

//

اسهرك يا ليلي .. من الصبح ذليت

شاعر وفـا .. والخـل رده وفـالك

//

لا واحسافة .. ونتي يوم ونيت

ولا واخسارة .. قلبي اللي صفالك

//

ظنيت به خير(ن) .. ولكني اخطيت

آسف يا ظني .. والعذر كبر جالك







:
:
:
:
:
:
:
:
:
:

[نافع عيد الجديد]

لاهنت على الاختيار المميز

وصح السانك والسان شاعرها

تقبل احترامي وتقديري

[فهد السلقاوي]

المشاركة الأصلية كتبت بواسطة نافع عيد الجديد

لاهنت على الاختيار المميز

وصح السانك والسان شاعرها

تقبل احترامي وتقديري

شكرا لك اخوي نافع على الرد والمرورالرائع

[أبو غرام]

دائما متميز في الطرح والاختيار

دمت بود اخي العشير الغالي

لك مني فائق الود والتقدير

[فهد السلقاوي]

المشاركة الأصلية كتبت بواسطة ابو غرام

دائما متميز في الطرح والاختيار

دمت بود اخي العشير الغالي

لك مني فائق الود والتقدير

شكراك لك اخي العزيز

ابو غرام وشكرا لك لمرورك العطر والرائع

[سليمان الجعفري]

فهد السلقاوي

لاهنت على الاختيار المميز

وصح السانك والسان شاعرها

تقبل احترامي وتقديري