دروس العشق

[عناد الغريب]

المشاركة الأصلية كتبت بواسطة صالح السالم

من دروس العشق.. ومواج الغرام.. وغيه=اكتشفت ان الحياه ادروس للهاويني
ما قدرت اجاري المخطي ولا امشي زيه=واكره النكران كره الجرح للسكيني
ما نويت ابدل النيه بثاني نيه=لين شفت الغدر حامي ميسمه يكويني
ولين طبقتي دروس الهجر ميه ميه=وستبحتي دمعتي والعذر ما يكفيني
لو ذبحتيني بحد السيف والجنبيه=والله اني ما جد اللي بعدها يرثيني
لأنك اغلا من عرفت بعالم الحنيه=ولو بغيت اغير التيار ما يمديني
ما وضعت اسمك بصف العالم المنسيه=يابري حالي على وقتٍ طوته اسنيني
كنت باني لك بروج من الغلا مبنيه=من وفا وخلاص ماهو من تراب وطيني
لك مداهيل الحشا في روحتك والجيه=تخضر ارياض الخفوق ان جيت لي ناصيني
وانت تقفي .. لا معك رحمه ولا ماويه=والا انا لو كان غيرك كان ما يعنيني
اخر المشوار يا ملح القصيد وفيه=قابلٍ عذرك لو ان العذر ما يكفيني

اخي الشاعر القدير صالح السالم

صح لسانك ولاهنت

هذا النص اللي عليه الكلام

نص ولا اروع لله درك اخي

صالح السالم سجلني من المتابعين والمعجبين بما يخطه قلمك الذهبي

دمت بخير يابن سالم