الله يقويك ويكثر لك أحبابك....

[خلف الغريب]

المشاركة الأصلية كتبت بواسطة نادر بن دوشان

السلام عليكم ورحمة الله وبركاته,,,

أقدم لكم أولى مشاركاتي الشعرية في المنتدى الراقي,,وأتشرف بتواجدي بينكم...

أرجوا أن تنال إعجابكم,,,فتقبلوها كما هي...

الله يقويـك ويكثـر لـك أحبـابـك=تستاهل أكثر وانا أستاهـل أحزانـي
ابقى على شوق فحضورك وفغيابـك=وأنته تغيب وتروح اليـوم بالعانـي
تدري بأن الحزن بادي من أسبابـك=والحب قاضي على قلبي وشريانـي
عشنا حياة المحبـة والغـلا شابـك=روحين ما تفرق الأول عن الثانـي
أرخيت مسمعـك للعـذال وإنتابـك=مشاعر الكبر,وإنـي فيـك شفقانـي
كرامتي فـوق مـا تهتـز لحسابـك=حتى لو أعيش باق العمر وحدانـي
وهالحين بعد الفراق المر وش جابك؟=توك عرفـت الخطـا ولا تحدانـي
ماني بسايق قدم رجلي علـى بابـك=تستاهل أكثر وانا استاهـل أحزانـي

وسلامتكم,,,,

ابن العم العزيز نادر بن دوشان..

اولا ارحب بك بين اخوانك في ويلان واهلا باطلالتك هنا ..

شكرا ولا يكفيك على هذه الابيات التي عشت معها جوا من الشعر المغلف بالحب والعتاب والمتألق بعزة النفس ..

ابيات في منتهى الجمال ولا اجاملك ابدا ...


الله يقويـك ويكثـر لـك أحبـابـك....تستاهل أكثر وانا أستاهـل أحزانـي
ابقى على شوق فحضورك وفغيابـك...وأنته تغيب وتروح اليـوم بالعانـي...

الله الله على هذا الجمال وهذه المشاعر الرقيقة ...

امامك مستقبل شعري باهر يا نادر فتقدم على بركة الله ..


تحياتي لك بقدر هذا الجمال ..