funy $___$ time

[هبوب العنزي]

حور الرفدي ,,,


والله ياحور شكل الموضوع انا الى بتوهق فيه وبجيب العيد لانه احب الهذره والقرقه


يعني لساني يلوط اذاني


واحب السوالف


لكن بتكون مشاركاتي من واقع حياتي مواقف قصص طريفه حصلت لي يعني انتاج بيتي


مو مستورد


ببداء مشاركتي الاولى بموقف محرج اعتقد ذكرته هنيا يوم مدري من سالني


عن موقف محرج الوكاد بعيده


من تقريبا سنه توفت ام زوجة اخوي فطبعا معروف عن هبوووب ما اروح


اعزي الا يوم ثالث لجل ما اشوف اول يوم تعرفون اول يوم العالم تصير مصدومه اكثر


المهم قال اخوي وبطلب منه لازم تروحين اول يوم وتكوني معهم ومن هالكلام


قلت له انتا عارف وضعي المواقف هذي ما احب اشوفها بساعتها وبعد الحاح


غصب<<مو الحاح تعوذت من الشيطان ورحت دخلت الا والعالم تصيح توهم دافنين


امهم بصلاة العصر جيت على كني مهبوله طايرتن عيوني وانتفظ


خشيت تك تك متخمخمه بعباتي خشيت واخش ودخلت


الا هذولا بنات الميته والخامسه مرت اخوي بوجهي يصيحون


ووحده من بناتهم معها (وغد باللفه)<<مدري وش جابه بساعتها الله يقلعه


سلمت على الاولى الثانيه جت ام الوغد سلمت عليها ومع الخرشه والروعه


بدال ما اقول لها عظم الله اجرك في اميمتك قلت لهـــــــــــا((مبرووك ماجاكم))


لاني كنت مركزه نظري على الوغد ماكنت ابي اشوف وجه البنت وهي تصيح,,


ردت علي وقالت ((الله يبارك بعمرك))؟؟؟؟؟؟؟؟؟؟!!!!!!!!


كملت المسيره وانا طرما طرما طرما يانااااااااااااااااااااااااس وطلعت<<<مهف مقيط ورشاه


ورجعت للبيت وسويت مناحه لاصارت ولا استوت


باي ضاق صدري