مشرفنا سعد النفج .. مساءلة

[ماجد الغانم]

ابوخالد

صح الساااانك

والله يستر

بس تراني بصف سعد

والله يخارجنا منك بسلاامه


لله درك طاروووق راائع وشلون فات علي هك الليله

كان احطك بحلق سالم

[سعد النفج]

الله يستر من مساءلات ابو خالد

الملف موجّه من اين و لمن = يا خلف دور سببها و ازهمه
ما بها يا صاحبي شك وخمن=لا حنان و لا عيون مسلهمه

[أبو غرام]

المشاركة الأصلية كتبت بواسطة سعد النفج

الله يستر من مساءلات ابو خالد

الملف موجّه من اين و لمن = يا خلف دور سببها و ازهمه
ما بها يا صاحبي شك وخمن=لا حنان و لا عيون مسلهمه

والله
هه

هه

كن الولد مرتبش ويرد وهو خايف من تواليها ^_^




دونك اياه يابو خالد

لايفرررر من هنا

والحق ابو غانم وراه

ماصفق له عبث

اكيد بالخرج ارنب ^_^

حيلك بهم يالعشير وحنا وراك نشيل الصفوف

[خلف الغريب]

المشاركة الأصلية كتبت بواسطة سعد النفج

الله يستر من مساءلات ابو خالد

الملف موجّه من اين و لمن = يا خلف دور سببها و ازهمه
ما بها يا صاحبي شك وخمن=لا حنان و لا عيون مسلهمه

لا تراوغ مابها ربع وثمن=لو خفا المطلوب لازم تفهمه
تاكل الخبزة ولا نشوف السمن=والبري طبع العرب ما تتهمه

[سعد النفج]

المشاركة الأصلية كتبت بواسطة خلف الغريب

لا تراوغ مابها ربع وثمن=لو خفا المطلوب لازم تفهمه
تاكل الخبزة ولا نشوف السمن=والبري طبع العرب ما تتهمه

زاد حملك يا الخوي المؤتمن=لا تهمهم يا عميلي همهمه
مالحقني سهم منهن لو رمن=و الخفوق ان سج / خوفي مرهمه

[خلف الغريب]

المشاركة الأصلية كتبت بواسطة سعد النفج

زاد حملك يا الخوي المؤتمن=لا تهمهم يا عميلي همهمه
مالحقني سهم منهن لو رمن=و الخفوق ان سج / خوفي مرهمه

هلا بك يا ابو شايش واستلم يا الذيب ..

الحمول بلازمي مهما زمن=يوم بعض الناس لازم ننهمه
ما نولي القلب خضراء الدمن=والدروع الضافية دون اسهمه

[سعد النفج]

المشاركة الأصلية كتبت بواسطة خلف الغريب

هلا بك يا ابو شايش واستلم يا الذيب ..

الحمول بلازمي مهما زمن=يوم بعض الناس لازم ننهمه
ما نولي القلب خضراء الدمن=والدروع الضافية دون اسهمه

المواقف يا بو خالد احتمن= و التفت تلقى النياق مدرهمه
بينا صبح و مساهن في امن=و النوايا بيض ما هي مجهمه