ما بي اضيق خاطرك وانت مرتاح قصيده قيمه لمن يتذوق الشعر

[فهد السلقاوي]

يآصآحبي طآلبكـ خلنَي ب حـآلي
ما أبي "أضيّق خاطرك" وأنت مرتاح

ياصاحبي وإن غبت عنك " ليالي "
غلاك باقي ب الحنايا ولا راح

تبي أسولف لك ، وش اللي جرالي ؟؟
أخاف يمسح قولنا الصبـح لا لاح


أجل تعال أجلس هنيـّـا قبالي
دام الحطب طاح وكثير العتب طاح


لو كل شخص إليا عطيته وفالي
ماكان ب الدنيا حزن ليل وجراح


ولو كل غالي قدّر إحساس غالي
ماشفت ذاك الدمع من محجره ساح


ولو كل قلب من الحسد جاك خالي
مايشتكي من شحّ الأمطار فلاّح


ولو كل واحد جاك طبعه مثـالي
ماكان ب الدنيا سجن ناس وإصلاح


ولولا الذنوب اللي بـ كبر الجبالي
ماكان جيش الكفر ل بلادنا إجتـاح


ولو الردي يعرف ش معنى عيالي
ماقطّ أبوه بـ دار الآلآم يـا صاح


هذا بعض حزن السنين التوالي
طير الحزن مبطي على خافقي ناح

ما أقول أن الخير ماله مجالي
لآ والذي يفلق من الليل الإصباح


لكن هنا بعض الألم ياحلالي
وأنا أدري أن العود يوم أحترق فاح


أول أقول إني صبور وشمالي
واليوم لآ والله أنفجر سدّي وبـاح


ماقلت لك ياذيب خلّني بـ حالي
هذا أنت ضقت وأذكرك جيت مرتاح""

[الصقار]

ولو كل قلب من الحسد جاك خالي
مايشتكي من شحّ الأمطار فلاّح
----------------------

فهد السلقاوي

اختيار مميز ورائع - كما عهدناك

تقبل تحياتي

[نافع عيد الجديد]

فهد السلقاوي

اختيار مميز ورائع كما عهدناك

تقبل تحياتي وتقديري

[الجادل]

فهد السلقاوي

إختيار رائع

ارق التحايااا

[هيـاا العـازمـي]

الله .. الله

يصح لسان شاعرها ولاهان

قواك الله ياخوي فهد على الانتقاء والذائقة الرائعة

لا عدمناك

تقديري

هيـــااااا

[سعود المسعودي]

فهد السلقاوي

اختيار مميز ورائع -


بارك الله فيك

[فهد السلقاوي]

شكرا لكم جميعا على هذا الاطراء الراقي ودعنكم لي جميعكم شكرا شكرا

اخوكم فهد السلقااااوي