محاورتي مع فهد الحربي

[سعوط المجانين]

السلام عليكم ورحمة الله وبركاته

اخواني اعضاء المنتدى انقل لكم المحاوره التي جرت بيني وبين الشاعر فهد الحربي في احد المنتديات واتمنى ان تحوز على رضاكم

ماجد الولدعي

بعد ماساقك ردي الحظ في يمنـاي مـرّه
جيت وعيونك تبا تنسى الديار اللي عرفتها
انت يالحربي مامنّك خير ولامنّك مضـره
هز راسك واترك بنوك الذهب ومعاملتهـا



فهد الحربي

الفريدي ماغدا له عندكم مثقال ذره
خابرين ام الكباير ماتكب مهايطتها
كل ماقدمت خير تقول جاب الرجل شره
فيه ناس عقولها ونفوسها ماساعدتها


ماجد الولدعي

( مسفره ) قادت جموع القوم من بحره وبره
الله انك تخبر العربان وش هـي سالفتهـا ؟
يافهد لو تصفي الايـام وتشـوف المسـرّه
فيه بعض ايام يابن الناس صعبـه مرحلتهـا


فهد الحربي

والله انّا غير نبغا الاجر فيها والمبره
روحت باللقمه اللي فالمخابي حصلتها
عندنا حسو الزمان اللي اختلط برده وحره
والشواهد بينات بنجد والا عاليتها



ماجد الولدعي

دايم ٍ هرج الحقيقه تنكـره لا ماتقـره
من يصدق بالعلوم اللي ربوعك فبركتها
عندكم حسو الزمان ولاعرفنا عن مقره
مير هات الحجه اللي اكثر الناس اثبتتها



فهد الحربي

الحقيقة مابقي للوايلي في نجد جره
عان عرّاف العرب واهل المراجع دونتها
زر ثوبك ياولد عناز واليا جاك زره
قص دربك والدروب العوج مقشر عاقبتها



ماجد الولدعي

نصف ربعي في نواحي نجد لكن موت حره
ماحكمها كود ربعـي والقبايـل ماحكمتهـا
يالفريدي صوتك اللي كل ماضاقت تجـره
وانت ماتدري تجي من فوقهـا ولاتحتهـا


فهد الحربي

جيت يوم اوضاعها تال الليالي مستقره
مير يوم ان الرحاه اتدور حبتك طحنتها
وانت لاضاقت عليك الياك في مزهبك صره
ورثة المرحوم حللها وحل معادلتها


ماجد الولدعي

كـل قـوم ولاعنـزه هـذا المثـل لله درّه
يكفي عن طول الهروج التاليه واللي سبقتها
انت لامنـي نشدتـك لازم ٍ هرجـك تفـره
اشهد ان ً اصحابنا من حرب ياكثر احركتها


فهد الحربي

قلتهـا واقـولهـا واعـيدها مـره وكـره
مانذم اللي على روس المشارف منزلتها
عنتر العبسي تحيّر فيك ياذيب المجره
الـذيـاب اللي بـلا نــيـبان يـاقـل بـركـتـهـا

[نافع عيد الجديد]

صح الله السنتكم جميعا

فتل ونقض شعار متمكنين


تقبل احترامي وتقديري

[الصقار]

كفو..وصح لسانك.

ناريه. بين شعار كبار ..

تحياتي

[كاتب الجعفري]

صح لسانك يا ماجد الولدعي

وشاعر جزل ومبدع وكفيت ووفيت

لكن الله يعينك على ذاك المنتدى

هههههههههه

تقبل تقديري واحترامي

كاتب الجعفري(ابو طلال )

[سعوط المجانين]

نافع عيد

شاكر لك مرورك الكريم

لك التقدير

,,

[سعوط المجانين]

ابن هندي

ماعليك زود وصح بدنك

تقديري

,,

[سعوط المجانين]

كاتب الجعفري

صح بدنك ولا عليك زود يابو طلال

والله انك صادق يعين الله عليه هههههههه لكن لولا اسم المنتدى ذاك ماجلست فيه

لك التقدير والشكر

,,