ياأنت ياللي كل ماقلت لي (هيـه)
يرجـع يـرد القلـب لبيـه لبيـه
لبيه يارجفة عظامي مـن الشـوق
ولبيـه يـاأول حنينـي وتالـيـه
ولبيه ياخفقـة خفوقـي ليـا مـر
طيفك على عجلاً وانا قمت اناديـه
ولبيه ياصرخة ضلوعي من البرد
(لاغبت عني والولـه مـد يديـه)
ولبيه ياسحراً غشانـي ولاعـدت
أبصر سواه من المخاليق وارجيـه
ولبيه يانبضاً مـع الـدم موجـود
يضخ في شريان صدري ويسقيـه
ولبيه ياعشقـاً شربتـه ولازلـت
أظما واجوع أن حل بالبال طاريه
ياأنت ياقمـة شعـوري أذا جيـت
بعزف شعوري للقوافـي واغنيـه
وياأنت يابرستيج يـاذوق لاصـار
يمك شجي الحرف نـاوي تحديـه
ياانت ياكلّـي و كـل شـي منـي
(يالعمر كله من اوله ليـن تاليـه)
(ياأكسوجيني ياسجيـن المحانـي
بقلبٍ وجودك كنه الروح يحييـه)
كلام يكفي عن كل تعليق
وصح لسانك
23/11/08, (05:24 AM)
رد: يقول لي ياهيه وأقول لبيه!!
العرض الشجري