,,, حـزن الـمـقـابـر ,, إلى روح والدي العزيز ( مع خالص إعتذاري عن الغياب )

[عمر الأسمر البنتان]

على طاري العشـاق والليـل والديجـور = سرى خافقي مسرى ضريرٍ يجـر خطـاه
وأنا قبل لا أعشق كنت غارق غبب وبحور = وعيبٍ علـى شـرواي يزفـر أنيـن واه
سلامن من دياري إلـى قبـره المعمـور = إلى قبـر شيخـن ماتمـد الهـزل يمنـاه
زرعني بأرض المرجلة والخصال بـذور = وقفّى عسى ربي يسهـل حثيـث خطـاه
إلى جنـة الخالـق وفعلـه هنـا مخبـور = عساني إليـا قفيـت مـأواي هـو مـأواه
تعلمت منه الطيب لامـن لفـوه حضـور = وسلكت الدروب اللي تؤدي إلـى ممشـاه
أجمّع حروف الشعر طابور مـع طابـور = عساها تجي في قدر مـن مثلـه وشـرواه
وحزن المقابر والحساب وقصيـر السـور = تخطيتهـا مسـرع عسـا بالخيـال ألقـاه
قبل خمسة أعوامٍ مضت مع ثلاث شهـور = فقـدت الأبـوة والحنـان وأمـل لقـيـاه
أشوف البشر تلفـي فقيـرٍ معـا مشهـور = عليها الحزن بادي ولو له شمـوخ وجـاه
يعزونني ماجـور يـاذا الفتـى ماجـور = وأنا صغيرٍ تايه غرق فـي حـزن بلـواه
عسا من فقدته قبره من الوبـل ممطـور = تجرعت حزني والأسى من عقـب فرقـاه
شماغه عبـق ذكـراه لازالـت بهالـدور = معي وين ما أقفّي تجـي متعبـة ذكـراه
عسا في جنان الخلد حوله كواعـب حـور = عسـا ماتمـر النـار بالآخـرة مـاطـاه
عسا مايشم إلا مسك أو صنـوف زهـور = وعسا عيشته أشهى من لحوم هبـر الشـاه
وأنا عبد منهي عن تسخط ونـوح الـزور = ماغير أرقب الواقع وعيني تصبصب مـاه
أمر الحزن شامخ ولـو عانـدن صيـوّر = أجي للحياة أشبـاه وأقفـي بـدون أشبـاه
تموت الأبوة بس يبقـى الأمـل محفـور = بلـب الخفـوق وليلـة العيـد ماتمـحـاه

[خلف الغريب]

عمر الاسمر ...

الف صح لسانك و كفو والف نعم ...

رحم الله والدك واسكنه فسيح جناته وغفر له ....

تحياتي ...

[شيهانه]

عمر الاسمر


صــــــــــــــــــح لسانك

وقصيد مليئه بالحزن والاسئ

بما تحمله من كلمات

[ابوالهيثم]

عمر الاسمر ...

الف صح لسانك و كفو والف نعم ...

رحم الله والدك واسكنه فسيح جناته وغفر له ....

[البآسل]

قصيده رائعه من شاعر كفو


صح لسانك ونعم بكم



(رحم الله والدك واسكنه فسيح جناته)

[رابح الغضيان]

صح ألسنك رائع ياعمر........


والنعم . مليون
ورحم الله والدك رحمة واسعة

[شاعر المعنى]

الشاعر عمر الاسمر صح لسانك ............ على روعة الشعر
ورحم الله والداك رحمة واسعة وجعله بجنات الخلد اته على كل شي قدير