من قائل : فنجــال طين ولانت فنجال صينـــــــي

[صالح الجطيلي]

ارحب يا ماضي

والله انا اقول مثل ما قال سعوط المجانين لم اسمع ولم اقرأ با البيت الي به النعامه

اما القصيده فهي مشهوره ومناسبتها انه ذات مره ذهب خلف الاذن الي سعود بن عبد العزيز بن رشيد حاكم حائل وكان حديث السن وكان زامل بن سبهان هو الذى يدير الاموروكان بالمجلس شاعرا فقال زامل ابن سبهان لخلف الاذن احب ان تساجل هذا الشاعر لنعرف مقدرتك يابن شعلان بالشعر فغضب خلف الاذن لانه يرى نفسه ارفع واكبر من ان يساجل شاعرا في مجلس ابن رشيد وحاول ابن رشيد كثيرا ان يسترضيه ولكنه رفض واصر وارسل هذه القصيدة لزامل يهجوه فيها:

زامل ينشدني وانا وين وينى=هبيت ياهرج بليا لبا قة
الشين شين وماكر الشين شينى=عدو جد ولابقلبك صداقة
الله يخونك كان ما تشتهيني=لو تحكي لي بالعلوم الدقاقة
غديت مثل معايد القريتيني=لاجبت خير ولاتبعت الرفاقة
انا بلايه من صديق بطيني=بقعا تصفقني على غير فاقه
فنجال طين ولانت فنجال صيني=تبرك مباريك الجمل وانت ناقة

اتمنى انه وصلت المعلومه يا ماضي الصبر واسأل الله لك التوفيق دنيا وآخره

((( أتمنى لو نقل الموضوع الى زاويــــة من القائل للفائده)))

وعسى الله يوفق الجميع