يا المور خذ خانة الخامس من اليمنى ...

[خلف الغريب]

أحبابي رواد منتدى المختارات :

أنقل لكم هذه القصيدة الرائعة لشاعر بني رشيد الكبير : عيد بن مربح الرشيدي ( أبو غريب )
وهي من أشهر قصائده إن لم تكن أشهرها على الإطلاق
وقد تعرضت هذه القصيدة للسرقة في الآونة الأخيرة
ولكن المهتمون بالشعر يعرفون القصيدة وصاحبها وموقفها وهو حي يرزق صح الله لسانه :

يا المور خذ خانة الخامس مـن اليمنـى=تحتر تبرد تـرى الاخـلاق خربانــــه
والله لتبـطـي وحـنـا ما تفاهمـنـا=مـا دام ميقـوع ماعقـبـت قلبـانـه
يا المور هذي ثـلاث ايـام ما نمنــــا=مكينتـك تشتغـل والعيـن سهرانـه
لاتشكي الظلم حنـا الوقـت ظالمنـا=ودليل ظلمه تراك تشـوف برهانـــــه
عـز الله انـا من الدنيـا تعلمـنـا=ًدرسٍ صعيبٍ علـى التلميـذ نسيانـه
ان اقبلت خصمنـا يقضـي لوازمنـا=صداقته تستحـل بيـوت عدوانـه
وان ادبرت شدنـا يرخي محازمنـــــا=نسقي بدلـوٍ يضيـع مـاه شقـــانـه
لو نزهم اقرب صديق ما يكلمنا=يبين وسم الغضب باطراف حجـــانه
الله يجيـب الصديـق الـي يطمنـا=ابا اسأله عـن ( غريـب ) وحـال عربانـه
لـو قصدنـا البعـد مرينـا وسلمنـا=ميـر البـلا شوفـة الديـان ديانـه

وتحياتي للجميع

[سعود المسعودي]

صح السان الشاعرعيد الرشيدي

وانت ياخلف الغريب بيض الله وجهك

على النقل المميز جهد تستحق
الشكرعليه

[سعوط المجانين]

لاهنت ياخلف على النقل وعيد بن مربح شاعر لايختلف عليه اثنان صح لسانه ولاهان

[المراسل]

لا هنت ياخلف

دائما تحضر النادر المفيد من الشعر

شكرا لك

[خلف الغريب]

المشاركة الأصلية كتبت بواسطة صقر الصقور

صح السان الشاعرعيد الرشيدي

وانت ياخلف الغريب بيض الله وجهك

على النقل المميز جهد تستحق
الشكرعليه

العفو يا صقر الصقور ووجهك ابيض..

تحياتي لك ...

[فايز البذيلي]

اللــــــــه يبيض وجهك اخوي

خلف الغريب


فعلا قصيدة تعرضت للسرقو والتحريف


جهودك مشكورة بجزالة

لاروائنا هذه القصايد وحفظها هنا


لك التقدير

[مصلح النشمي]

.


يعطيك العافيه اخوي خلف


ماقصرت يالغالي

تحياتي لك