المبدع مدغم ابو شيبة في وصف ( الفياقرا )...

[خلف الغريب]

راكب اللي لو يطوفـك ماقـدرت تطوفـه=سيّـد الالـوان لا فـضـي ولا فيـرانـي
يوم سواقه علـى سمعـي يعـدّ وصوفـه=والله ان كـنـك تـدورنـي ولا تلقـانـي
اذكر انه قال في عرض الكـلام اطروفـه=راح منهـا شـي وآخرهـا بقـى فلسانـي
اتحفوآبه واعـذره لجـل بعـض ضروفـه=واتركه عنـد العمـل لا تنظلـه جيرانـي
قلت ويـن القـاه لا منـي بغيـت اشوفـه=قال في قصر السلام وفي قصـر دسمانـي
الفخامة تفـرق اسمـه قبـل تفـرق نوفـه=والفياقرا تجمع اسمه واسـم شـي ٍ ثانـي
فيه من هتلر دهـآ عقلـه وزيـن وقوفـه=تقـدر تسمّيـه نصرانـي ولـد نصرانـي
لا انفرش في الارض وارخى لَلتراب كتوفه=قطعـة السجـاد قـدم المتحـف الايرانـي
لوحته بالطول وارقامـه سـوات حروفـه=تـازن اعقالـك علـى صدامـه الورّانـي
وشوشة مراوحـه يـوم اشتغـل وبلوفـه=وشوشة عجمي يسولف له علـى قحطانـي
صوت حساسـه تقـول يسمعـك معزوفـه=من كلِماتـي وادائـي وفكرتـي والحانـي
وقفتة وقفـة زعـولٍ فـي يدينـه طوفـه=يحـذف البـي ام والفكسـار والنيسـانـي
وان مشى كنه على المسرح يعرض بروفه=ودك تخاويـه وتعلـق علـيـه العـانـي
لادلهـم الليـل قدمـه والهبـوب تلـوفـه=اسرع من السيف الاملح في رقبة الجانـي
لين ياصـل بيـت مـن تلويحتـه بكفوفـه=كنه يلـوح بهـا فـي منتصـف شريانـي
مـن عرفتـه والغـلا تفاحـةٍ منصـوفـه=نصف خذه ونصفه الآخر خـذوه خوانـي
ليتني بالشعر يـوم ابـرد حشاشـة جوفـه=يستحـى منـي ويذكـرنـي ولاينسـانـي
مايخلينـي لمـنّـة غـيـره ومعـروفـه=لو اجيه اطلب ذنوبـه كلهـا مـا اعطانـي

[سعود المسعودي]

الله يعطيك العافيه
ياخلف
على
النقل

[ابوالهيثم]

الله يعطيك العافيه
ياخلف
على
النقل

[سعوط المجانين]

الله عليك ياخلف نقل مميز وفريد صح لسان الشاعر مدغم ابو شيبه الذي اعتبره شاعر من الطراز الاول

رغم استبعاد اللجنه الغير مبرر له ولكن يبقى في عيون جماهيره شاعرهم الاول


تقديري

[خلف الغريب]

المشاركة الأصلية كتبت بواسطة صقر الصقور

الله يعطيك العافيه
ياخلف
على
النقل

هلا اخوي صقر الصقور ..

لا هنت ...

[خلف الغريب]

المشاركة الأصلية كتبت بواسطة ابوهيثم النومسي

الله يعطيك العافيه
ياخلف
على
النقل

هلا ابو هيثم ..

لا هنت على المرور

[المراسل]

خلف الغريب شكرا لك على النقل

قصيده جميله

وصح لسان الشاعر

تقبل مروري