الــطــــيب منـــهـــاجـــي

[خلف فلاح الحمرون]

المشاركة الأصلية كتبت بواسطة سالم صالح

أليكم هذه المتواضعة التي أرجو أن تنال أعجابكم

عندي مع الخوة عهود ومواثيق=متوارث ٍبالطيب خوة هل الطيب
وفي صحبتي للطيب دومٍ معانيق = وتسمع رصاصٍ في حضوري وترحيب
لاني أقدر خوة الطيب ماضيق= حتى أصل بالعلم فوق المراقيب
والناقصة ممشي وراها ولا أطيق = وارفى خمال اللي تعدى ولا عيب
ولا خاوي إلا صقور عال الشواهيق =مدهالها العليا وفعلٍ كما الذيب
وعند اللوازم جاك عرنان وطويق= وجبال حايل بعدها قامت تجيب
الحر يكفخ في سما الطيب تحليق = وعنه تدله للفعل بالمخاليب
أنده عليه يجيك علمٍ بتحقيق = والا تراه يموت قهرٍ وتعذيب
هذى حلات الطيبب شوقٍ وتشويق =لا فيه شرهاتٍ ولا فيه تحسيب
والا الردى ماني معاه بطواريق= هذى دروبه ممحقه مابها طيب
لا شافني دور دروب ومناطيق= خله يولي في حريق ولواهيب
هذى سبايب عزتي يامخاليق = الطيب منهاجي ولا أنسى المواجيب

وسلااااامتكم

الشاعر سالم صالح
صح لسانك
قصيده جميله
قصيدتك تدل على عزة النفس
والحرص على رفقة الطيبين
حظور جميل وابداع وافي
تحياتي لك