هات القلم واكتب تحية وتقدير - °~*¤®§(§ شبـــكة ويــلان العـربـيـه §)§®¤*~ˆ°

**عاشق الصمان** · 29/07/05, (12:30 PM)

هات القلم واكتب تحية وتقدير*** واكتب رسالة من عزيز الرسائل

واكتب سلام عد ورد ومصادير *** من هاجس يختار زين الدلايل

سلام مني للرجال المناعير *** لطم الخصيم اليا زمى كل عايل

اهل الوفاء والطيب ربع مشاهير*** ولا يحصى الساني فعول الحمايل

خص له معزة وتقدير*** عقب لبوي وحاش جزل الفعايل

واصبر على الدنيا وهذي مقادير*** لو كنت في بعض الهواجيس شايل

لا تقول انه حصل منك تقصير *** مهما تكون الحال راعي جمايل

قسمت لك بمسير الامر ويصير*** الواحد المعبود منشي المخايل

انك عضيدي بالليال المعاسير *** ليا حال من دون المقاصيد حايل

ولا بيننا شكه ولابه معاذير *** تدري وانا ادري دون قول وقايل

شوفك يسليني وقربك لنا خير *** وبعدك يسبب لي حزون وملايل

عقبك وحيد وعايش بالتفاكير *** حتى بحلم الليل شفت الهوايل

وصورت ما بي يافتي الجود تصوير *** ووزنت همي مير ماله عدايل

وحار القدم من واهج القلب وما يسير *** ولا لي على هاجوس قلبي دلايل

قلبي عصى من دون عذال ومشير *** فيما سمعت وقلت مني مثايل

وانا من اللي يحتمون المظاهير *** واصبر على الشدات بايت وسايل

ليا حصل لي خير من ربي الخير *** وليا حصل لي شر ماني بسايل

واضرب على العليا ولو به مخاطير ***واتعبت بالدرب العزيز الرحايل

واطلب عسى تعدل سنين مدابير ***واصير لهل الخير بالخير نايل

واطلب عساها لك سلامه وتسير *** ولعل عمرك يافتي الجود طايل

وعن مابقلبي جتك مني تعابير ***واليا نقصت بشيء منك الكمايل

أبويوسف ..

وسلامتكم ..

**موسى المشعان** · 29/07/05, (12:55 PM)

صح السانك يا بو يوسف

الله يخليكم انت وخيك

لك تحياتي

اخوك عاشق الخلغات يا عاشق الصمان

**خليف بن موعد** · 29/07/05, (01:32 PM)

اهل الوفاء والطيب ربع مشاهير*** ولا يحصى لساني فعول الحمايل
عاسق الصمان
صــــح لسانك
ودتم سالمين

**saad saif** · 29/07/05, (01:38 PM)

ليا حصل لي خير من ربي الخير *** وليا حصل لي شر ماني بسايل

عاشق الصمان

صح لسانك وعطيك العافيه

تحياتي

(سعدسيف)

**هزاع الساري** · 29/07/05, (01:50 PM)

ونعم والله يا ابو يوسف

صح لسانك يا الذيب ولاهنت على الابيات الجميلة

**محمد الدلماني** · 29/07/05, (03:31 PM)

صح لسانك مليوون والله لايهينك على هالابيات الرائعه

**صالح الضويحي** · 29/07/05, (04:42 PM)

سلام مني للرجال المناعير *** لطم الخصيم اليا زمى كل عايل

اهل الوفاء والطيب ربع مشاهير*** ولا يحصى الساني فعول الحمايل

حضور يستحق الاعجاب والتقدير

لاهنت يابو يوسف على هالرائعه

وصح لسااااااااااااانك ملايييييييييين

احترامي وتقديري

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري