ربعي بكر وربعي تغلب ..النص الثاني في شاعر الجمهور قبل النشر

[تركي صالح]

صح لسانك اخي الكريم

ودمت على هذه الروعه والتميز

ونتمنى لك التوفيق انشاء الله

ومن نجاح الى نجاح أنشاء الله

[الذيب الأمعط]

صحححح لسااااانك يابن غبين قصيده طيبه بس انا مدري ايهن فيه كليمات فوق قصيرات تقل ماهن قصيده وفيه بويتات عقب طيبات بس قصيرات اما كانهي الطويله لا قصيده طيبه وشارك ونشالله تفوز بس ياخوي الكليمات القصيرات لا تقولهن ابدددد كان تبي تفوز

[صريح في زمن جريح]

اخي فهد الغبين
قرأتها اربع مرات

واسمح لي بابداء وجهة نظري خصوصا وانني رأيت البرنامج ورأيتك تلقيها واستمعت لها



هذا النص الثاني في برنامج شاعر الجمهور اضعه بين ايديكم قبل النشر
[/align][/color]
اسمعوا متنبي عنزه فهد=الغبين ابن الشيوخ اهل العطيه
كان هي بالشعر ولدكم ولد=وكان هي بالعنصريه عنصريه
ربعي الويلان ما افكر باحد=وايلي(ن) واعتزي ..بالوايليه
===============================

متنبي عنزه لقب كبير جدا فمن اسماك هذا اللقب؟وهل يحق لك ان تطلق اللقب على نفسك رغم ان هناك شعراء لعنزه يعجز التاريخ عن حسابهم واحصائهم والوقوف امامهم قبلك ظهرو هناك من رحلو وهناك من لازال-و لازلنا نردد ابياتهم ومع هذا لم يطلقو على انفسهم (متنبي عنزه) اخطأت يافهد
===============================


/

كنت صابر
لين قلبت
المقابر ,,
واثرها .. مثل
المنابر
ليلها ..الحلم الطويل
ليل ..ليل ..ليل..ليل
وابتدا

===============================
عمر المقابر لم تكن كالمنابر يافهد وشعر التفعيله ليس ان تصفف الكلمات المنمقه

حلم الصغير اللي يحسب انه كبير=ضبط شماغه واعتصم بالتصواويت
وامسيت أسير ..وكني اللي غدا اسير=حتى عرفت ان انتضر ترجمت ويت
يامحمد ابن الزايد ..اكبر ....مخاسير=ساعة تخلفنا .عن مواكب الصيت

ولكنك
يابو زايد
على اسمك ..تجي زايد
وفي فعلك
على زايد
مثل زايد
===============================

البرنامج اسمه شاعر الجمهور فما دخل محمد ابن زايد ولماذا تمدحه في برنامج على قناة فلاش وبالكويت وهو بالامارات ولادخل له بالبرنامج!!بصراحه انت شطحت جدا



/
\

أشوفك في ظلامي نور=واجيلك بالظلام القح
أشوفك وابتدي ..بسرور=واقول ان السعاده صح

/
\
تجي لامن
ضحك سنك
ولو غيرك
ماهو بسنك
ابدا ..ما يلحق اللي جيت
ولو ما جيت
(زهرة)

يابو ضبي كان المدا صرخت الصوت=واطلقت صوتي ..واسمعتني ..المناصيت
يابو ضبي ..يادار ..من باللقاء موت=اهل الفخر ..نعم الذخر ..بالفخر ..صيت

(زهرة)
اعيال زايد
ياعرب
منبع الصيت
ولكني ولد ذولاء
هل التاريخ والاجداد
عيال معزي ..الامجاد
تحت ضل المليك اللي
رفع ماكان ..متخلـي
وعز الشعب ... واقسم له
بانه دوم
منصف له
واوفى والدي
ايمانه
انا فدوه لبو متعب
وابو خالد
واخوانه
(زهرة)

===============================

كل ماسبق هو نفاق اجتماعي يشوه جمال الشاعر وقصيدته لاسيما وان لا عيال زايد ولا ابوظبي لها دخل بموضوع شاعر الجمهور
وبعدين وشدخل عيال معزي تدمجهم مع عيال زايد!! يافهد الغبين ليتك استشرت من هم اشعر منك قبل ان تظهر للملا هذه التفعيله الغريبه جداا




الا يا خال ..لو تدري وش اللي صار بي يا خال=بعد ما طحت بين الداب واشجرته وانيابه
سقط تاج القصيد ..اللي سقط من نظره الابطال=وانا من أجلها ..توفي برقي الشعر وارقابه
مساء الورده الحمرا على وادي الحمى لاسال=يايوووه شكثر ..اغفي بعد ما ترطب اعشابه
هنا بان الصحيح وخيِب الضن وسقط رجال=وانا اللي كنت أعده من عماد البيت واطنابه
مساء الخير يا ذاك المساء الي بها تجتال=واقول الله وش جابه هلابه قبل وش جابه
يجي يسال (واتبسم) عجب ..هل يعنيه ما قال=او ان الوقت به وشه ومن جابه فلا جابه
يقولون العرب مبطي( أهم) وتقلب الأقوال=وانا اللي شفت كذابه يسابق نقل كذابه
مساء الورتين اللي على ذا ك البياض أنفال=يا ايووه شكثر ة اصحابه شكو من جور اصحابه
تمايل لعنبو جدك هنا حتى عقالي مال=وانا لامال يامصخم تدور الكون سبابه
الهي ..يا اله الكون ..اذا لم يصدق بما قال=توريني به عقابه قبل ما يقضب عقابه
انادي للعقل سكره وينشو والــ/ بدا .. بالـ ال=الا ..يا ال ..هل يعقل يخون الحر مخلابه
انا سعودي ..وابعلناها هنا وحقُ من قد قال=يوم قال له(إقراء) وهو مايقرا كتابه
باني من ديار اللي دياره ..بالعدل تختال=ابو متعب أبو متعب سعيد اللي تلجوابه
مليك كل ما يمسح يمينه فوق طفل ..زال=عن الطفل اليتيم بمسحته ماكان يشقابه
ونادي (انني مصلح) وأصلح وابتدا ..الموال=فدتك الروح ابو متعب وما نملك ونحيابه
معاك اللي ملك عمري ابو خالد ..ولي الحال=هذاك اللي الي منه ضحك ينبيك باعجابه
يمينه كنه الغيمـه على قاع جفاف ..محال=ومع مكبر .. مراويها ...يساره تجهل اسهابه
هذاك اللي من الفرحة اذا شفته ..اجي بهبال=ولو قدامي ..الرفقه ..اجيه بشعر ..هلابه
ثلاث مرات .تتكرر ..ولا قد كن ..بالاموال=أجيه من الوزى والقى ..فرج يمناه ..واذرابه
ياعل العمر لك فدوه فديتك ياعريب الخال=فديتك .ياذرى عمري..الي من حل بي صابه
سماء الغيم غني لي (حبيبي قال لي ...بهبال=بان الغابه الغابه تسمى بوقتنا الغابه(1)
تماثيل ٌ ونقرؤها السلامَ..يا سلامٌ.. طال=الا ..ليلاى لا تنسي ..فُقْـد بالعقلِ ..إعرابه
نمايل ليلنا عنوه ..وليل الشعر لاما حال=بدأنا لك بما ياتي (هنا المضلوم ) وكتابه
ومدامي شاعر الجمهور ..أبقلبها غيا لاسال=شهد ذيك الــ (نبيذ) اللي نويت اجرب خرابه
غزل واللي يبيها لا تمايل خصرها لي مال=وتتمايل وانا اتميال وغنوها يا احبابه
رويدا (ياشعر اني انا من يبدع الامثال)=فان لم ينصف الجمهور ضاع الشعر بالقابه[/poem]

أسامر ليلي النابض على يالال لا يا لال=الين أرجع الي الدحه واقول تصك بي لابه
صكو بيه عزوه وايل لو حال اللي بيه حال=وين اللابه لا..يا لابه يوم كل (ن)بال هقوابه
ردوا ياعيال مانحدوا يوم الكون اللي..به زال=فعل جدود مهي جدودي يوم الفعايل تدرابه
ربعي ربعي ربعي ربعي ربعي ويلان الاهوال=يا غلابه ياغلابه ...ربعي دوم اللي غلابه
ربعي بكر وربعي تغلب تغلب غلابه من عال=ربعي بكر وربعي تغلب قبل التاريخ وكتابه

ياغلابه ..ياغلابه..نبـ نقـف ..قبل الاطلال=اي بمعنى أخر اخر نقلب الغربي طرابه
dont dot ياقرابه لو تشوف الحال خال=ليش يعني ..بس تكفى ..لا تسميها ..غرابه
أيااا.. جمهور لي سمعاً ..اهل تستنفذ الامال=أم إن الوعي ياساده يبي يفتح لنا ..بابه
هنا فهد الغبين اللي يسمونه ..جنون ..خبال=(ولكن حكمة إعرابه ..تقابل نشوه أصحابه)
اذا لم أعلن الشاعر من اللحظة ..ولو ما انقال=سلام الله على وعيٍ فقيدُ الوعي غنابه

[/QUOTE]
===============================


دمجك للفصحى اطلاقا لم يكن موفقا ولم تكن موفقا بالكلمتين الانجليزيتين ودونت دو ات تكتب هكذاdont do it
يافهد رحم الله امرئ عرف قدر نفسه ففي القصائد يوجد ابيات جميله بالنبطي فلا ارى اي مبرر لك تشطح بالفصحى طالما انك لاتتقنها جيدا ولا هي تتواكب مع النبطي كقولك كلمة (أهل تستنفذ..) أهل جديده سمعنا ب(هل).؟؟اضف الى ذلك بعض الابيات التي اشك في وزنها!!!!


بالاضافة الى ان (وائل) وعياله اكبر واسمى وارقى من ان تحضرهم وتستفزع بهم لاجل برنامج اقل من عادي لايمت للشعر بصله
وان رأيت لجنة البرنامج رغما عنك تبتسم لانهم في الشمال والشعر في الجنوب

ليتك لم تمس اسم عنزه ولم تقرب له فالوائلي الحق هو مايرفع ويقدر اسم وائل

تقول هنا فهد الغبين اللي يسمونه جنون خبال ,.,..,..., اتعلم انك تسئ وتسب نفسك يافهد فهل انت جنون خبال
اتعلم الخبال ماذا يعني






نداءا الى كافة شعراء عنزه

للتاريخ ولكليب ولوائل ولاسم الوائلي نناديكم ونسألكم بالله عز وجل ان ترفعو اسم القبيله عن التشويه وعن الاستعانة به امام من يسوى ومن لايسوى او (الشحذه) باسم القبيله تكفووووووووووووووووووووووووووووون تكفوووووووووووووووووووون اعرفو معنا وايل قبل ادخاله باي سخافه

نعلم انك عنزي اذا سنصوت لك دون ان تمدح وتنخى باسم وايل وكأنك مضيوم او مأخوذ حقك

[حمد الخمعلي]

صح لسانك فهد الغبين


وبالتوفيق إنشاء الله

[سالم صالح]

صح السانك يافهد والله يعطيك العافية

وشكرا لك ياخي صريح على هذه الملاحظات بس المفروض مخليها بالخاص عاد احسن

والله يعطيكم العافية على هالجهد

[فارس القصيد]

الأخ فهد الغبين

شكراً لك لمجهودك

وأي شخص يطمح للإبداع يتقبل أي نقد ويدرسه

وبصراحة

لن أغشك ولن أجاملك بدون عقل مع حبي واحترامي لك ولكل الغبين

ولاكن

أنا مع صريح في زمن جريح

بما قال وأرجو منك مراعاة ماقالة

ولي عتب على الأخوة الذين

يعرف عنهم جودة الشعر والخبرة الجيدة

ولاكن دائماً أجدهم يمجدون الشاعر والقصيدة بدون سبب أي على عماها

وهذا يحسب عليهم يجب ياأخوان أن لا نبخل على بعضنا بالتوجية المنطقي الذي

يعود علينا بالفائدة والنفع،،،،،،،،

وبصراحة اللي مايبي غير مدح لن يتطور ،،،،


صحيح فيه شي بالخاطر ولاكن يجب أن نتغلب على الحساسية بهذا الجانب

فنحن نحاكي أدب يعني ياصحيح أو مختل

تقبلوا ودي والله يستر علينا من زعل الأخوة المشرفين

دائماً الحقيقة تزعل بس ماتسبب أزمة لدى من يعرف حقيقة ماأقول

دمتم بخير وحب وود وسلامة

فارس القصيد

[وايل سعد]

ابن غبين


صح لساااانك


جزله ومن راس ٍ جزل