الله الله قائمه الدعثه هنا وانا مني داري
مبدعين القايد وعاسفة القاف محاوره ممتازه وتستاهل التنسيق كما أسجل لكم أعجابي بهذه الحاوره
وإليكم تنسيق المحاوره
عاسفة القاف
يالقايد اسمعني وجاوبني وانا اعتبرك كبير &&&&&&&&&&& لا صرت فالميدان والدنيا كفى الله شرها
اللي يحب الصف الاول مايجي قبل الاخير &&&&&&&&&&&&& من ماضي الازمان والدنيا كفى الله شرها
القايد
قريت ماسمعت عبر النت والمعنى خطير=وسميت بالرحمن والدنيا كفى الله شرهـا
حتى الغني لو يتواضع مايجي مثل الفقير=والعلم بالبرهان والدنيا كفـى الله شرهـا
عاسفة القاف
ذراعنا صلفه وقد الحمل وتقود البعير &&&&&&&&&&وتصيب بالنيشان والدنيا كفى الله شرها
ترا العمى مهما تذيكا مايرى مثل البصير&&&&&&&&& وللقافية عنوان والدنيا كفى الله شرها
القايد
ياكبرها من بنت ماتقدر على الدنيا تسير=ترمي على الذرعان والدنيا كفى الله شرها
ترى المره مهم تكابر عقلها دائم صغيـر=مذكور فالقران والدنيا كفـى الله شرهـا
عاسفة القاف
شكلك تصوم الست عقب الست ياسيد خبير @@@ ياقايد العميان والدنيا كفى الله شرها
ترى القضى واجب ياقايدهم ولايلزم شوير@@@في معظم الاديان والدنيا كفى الله شرها
القايد
الاوله فيها النقاء والثانيه من زمهريـر=يمثبت الاذهان والدنيا كفـى الله شرهـا
تعلمي لاتعلمين بشي لايمكـن يصيـر=يدخل بها الشيطان والدنيا كفى الله شرها
عاسفة القاف
سفارة الخبلان يالنشمي ماتحتاج لسفير &&&&&&&&&& سلم على الخبلان والدنيا كفى الله شرها
يمّا تجيب القاف بالمعنى او انك تستخير&&&&&&&&&&& تقعد ورا الربان والدنيا كفى الله شرها
القايد
جاك النذيرولاتفهمتي من علـوم النذيـر=عن ثورت البركان. والدنيا كفى الله شرها
تبين العلم والا ماتبينـه خانـك التعبيـر=ياطير بن برمان . والدنيا كفى الله شرها
عاسفة القاف
...خطفت انا البيرق ولا لي في سما البيرق خشير&&&&&&&&&&&&&&&&&في حلة الشيخان ..والدنيا كفى الله شرها
العلم في بطني نفضت العش قم ياطير طير&&&&&&&&&&&&&&ما تفهم القيفان....والدنيا كفى الله شرهااااااااا
القايد
حاولت أفهم بس بعض الناس ماتفهم ح.......=ياكود بالمحقان . .والدنيـا كفـى الله شرهـا
لكن عليك الله لو تمشي على سلـك الحريـر=تحتاج قص لسان .. والدنيا كفـى الله شرهـا
عاسفة القاف
خويكم يالربع جاب الرايه وحول خفير &&&&&&&&&&&&& يامكثر العدوان والدنيا كفى الله شرها
من عقب ذاك العز حول في وطى وضعه حقير&&&&&&&اء ستفزع الويلان والدنياااا كفى الله شرهاااا
القايد
البكره الوضحاء عليها الوسم والعاقل بصير=بنت الجمل بلهان ..والدنيا كفى الله شرهـا
أبي أربيها واعودها على صـوت الهديـر=وحط فيها عنان ..والدنيا كفـى الله شرهـا
عاسفة القاف
يا كم كسرنا شيخ قوم(ن) قاد له جمع(ن) غفير&&&&&&& تشهد لنا العربان والدنيا كفى الله شرها
حنا نعسف العسر يالمنعور لازم تستجير&&&&&&&&&&&& ياقايد الصبيان والدنيا كفى الله شرهاااا
أنتهت المحاوره
14/05/07, (12:39 PM)
رد: القايد ارحب
العرض الشجري