موضه وتطوير

[نجلاء محمد]

لابس له الباسٍ وفـي لبسـه ايثيـر
من شاف لبسه غض طرفه والانظـار
لبسـه اذا شفتـه مصيبـه وتكديـر
جنزٍعريـض وزايـدٍ عـدة اشبـار
ولابس مع الباسه سلاسـل وساويـر
ويميل في مشيه مع الـدرب لا سـار
والشعريا طولـه ولـه قصـةٍ غيـر
ومع طول شعره زايدٍ طـول الأظفـار
ومزيـن اضفـاره بصبـغ المناكيـر
شكله اذا شفته كما البنـت قدصـار
والبودره بالوجـه زايـد بهـا خيـر
من شاف شكله يحسبه كلـه اغبـار

شاعرنا الكريم / ما جد الجعفري
للأسف هذا حال شباب ومراهقين هذا اليوم مما يدعو لأشمئزاز النفس
لك كل الحق في انفعالك فالرجل المؤمن لا تطيق نفسه رؤية هذه الشاكليه
صح السانك واعتلا شانك
اجدت الوصف والتعبير
تحياتي واعجابي

[سالم صالح]

احلا شرشحة والله ماقصرت ياماجد وصلت الفقرة للعقل الفهيمة

والله يعين الناس الي زي كذا عزالله ماهم عايشين باعتقادي

والله يعطيك العافية على هالرائعة

[حمد الخمعلي]

أخي ماجد الجعفري=
صح لسانك على القصيده الرائعه التي تطرقت فيها لموضوع نراه جميعً=
صح لسانك مليون=
لك تحياتي=
أخوك المهند=

[البحتري]

صح لسانك و الله يعطيك العافيه

[عبير الورد]

الشاعر المتالق دائما ماجد الجعفري


قصيدتك جميله ورائعه


تحمل بين سطورها معانات شبابنا هداهم الله


سلمت ايدك وسلم بنانك


دائما متميز بعطائك


دمت لنا ودام تواجدك المتالق


اختك عبير الوورد

[خلف سليمان البجيدي]

المشاركة الأصلية كتبت بواسطة ماجد الجعفري

الأخوة الكرام

قصيده متواضعه أضعها بين أيديكم

حيث أنها تصور موقف تعرضت له

فبدون ما أشعر وجدت أني أكتب هذه ألأبيات المتواضعه

أيها الأخوه هذا الموقف تطرقت اليه بموضوع كامل وطرحته في المنتدى الأسلامي
بنفس وقت طرح هذه القصيده

بعنوان (مرض خطير يفتك بنا)

بأختصار الموضوع يتمثل بالتشبه بالكفار والنساء وترك قيمنا الرفيعه وأنها تجلب لنا العار

والأدعا ء بأن هذا موضه وتطوير

الموقف كتبته بالتفصيل وأدرجته ضمن الموضوع السابق في المنتدى ألأسلامي

اليكم ألأبيات:




موضه وتطوير

اشوف لي ناسٍ هوة كل تغيير=ترغب بتبديل المذاهب والافكار
تبغى تغيرفكرها شين تفكير= وتقول هذا الفكر يجلب لنا العار
احترت في امري وتفكير هالغير= واصبحت في دنياي هايم ومحتار
من شوف بعض الناس في سوء تقدير=ماخذمن اهل الغرب له فكر واشعار
ومقلدٍ هالغرب في كل تصوير=ماهمته سمعه وللدين ماغار
لابس له الباسٍ وفي لبسه ايثير= من شاف لبسه غض طرفه والانظار
لبسه اذا شفته مصيبه وتكدير= جنزٍعريض وزايدٍ عدة اشبار
ولابس مع الباسه سلاسل وساوير=ويميل في مشيه مع الدرب لا سار
والشعريا طوله وله قصةٍ غير= ومع طول شعره زايدٍ طول الأظفار
ومزين اضفاره بصبغ المناكير= شكله اذا شفته كما البنت قدصار
والبودره بالوجه زايد بها خير=من شاف شكله يحسبه كله اغبار
شكله تغير ماذخر فيه تقصير= ماتحسبه لا شفت نسلٍ للاحرار
هرجه كثير وكل هرجه برابير= ياخذ ويعطي دايم الدوم ثرثار
كذاب هرج وزاد هرجه بتبهير= ماخاف ربه ولاتقى حرة النار
اليانشده قال موضه وتطوير= يفخر بفعله دون شكٍ او انكار
واليانصحته انتفخ دون تبرير= واليا تركته أتجه نحوالأدبار
مافيه نخوه ولانفع فيه تحذير= ولا ينفعك فعله مع الوقت لوثار
اليا بخصته مابه اياة تنوير= ولا تامنه والله على حرمة الدار
ماينحسب هالوقت ضمن المناعير=مافيه غيره ولا به أياة إصرار
مضيع ٍوقته بلعبٍ وتزمير= تلقاه يضرب طبلته دوم والطار
ومضيع الصحه على نفخة الكير= ينداش راسه لا فقد قطف سيجار
وامبعثر امواله وعايش بتبذير= محدٍ يعزه ولاله أيات مقدار
هذي حقيقه قلتها دون تشهير= مامقصدي منها مضره او اضرار
الهرج واضح مابغى ايات تفسير=وهذي النصيحه قلتها لاهل الابصار
واطلب من المولى وهو رازق الطير= وميسر الدروبه مع الصبح لاطار
انه يوفقنالحسن التدابير= ويحمي شباب الدين من كل الاخطار
وختامها صلو على ناشر الخير= اعداد ماهلت من الغيم الأمطار
على النبي اللي على نهجه انسير= صفوة جميع الخلق هو سيد الاخيار

وسلامتكم

الشاعر

ماجد الجعفري


تحيه طيبه


اشكرك على هذه النصيحه

ولك منّي فائق الاحترام والتقدير...

[ماجد الغانم]

الأخ الفاضل

والشاعر المبدع

خلف البجيدي
حياك الله

وشكراً على هذا المرور الكريم

دمت ودام هذا التواصل الجميل

تقبل تحياااااتي