الســـلام عليكم ورحمة الله وبركاته
طبعا يمكن شفتوا قصيدة لشاعر يدعى ماجد الخالدي وشاعر غيره وغيره
طالعين بموضة التغزل بالمذيعات والفنانات
بنانسي وحليمة
واحد يتغزل بضحكة حليمه والثاني بخشم بنانسي اعتقد
وللأسف الوزن ركيك .. والفكره الله بالخيــر ...
ومع احترامي لقريحته الشعريه
شاعر يدعى ماجد الخالدي ...يتغزل بضحكة حليمة بولند... هي قديمة نوعا ما بس انا من النوع اللي يحتفظ بالمجلات والجرايد وبالصدفه لقيت هالقصيده
الطفل عاف المدرسة نط للسور
يدور أبلة تشبهك ياعظيمة
لاتعاتبين الطفل والطفل معذور
الحب ماهو موعظة مستقيمة
الحب لو مايقلب الحكم ويثور
أنا اشهد انه حب ماله حشيمة
في كل بلدة لك ضجة وجمهور
ماتختلف فيك العيون السليمة
وان كان بعض الناس شافوك ديكور
أنا أشوفك حالمة مثل غيمة
ياأكسجين الناس في كل العصور
انتي الخرافة في الأغاني القديمة
وانتي مرور الحب في بال عصفور
عصفور لكن ذكرياته أليمة
أش ذنب رجل ٍ ماخذ أربع من الحور
شافك على غفلة وطلق حريمة
وش ذنب شاعر يكتب بقلب مقهور
ترضين قلبه يستقر في جحيمه
بالأمس يامر لكن اليوم مأمور
كان الملك واليوم من غير قيمة
يسهر طوال الليل وينام مخمور
يحلم بعطرك ويتذكر نسيمه
شاعر وقبلك كان له جيش وقصور
لما انهزم ليه افتخر بالهزيمة
لاتفرحين ان قلت عاشق ومكسور
الحب أصبح في بلادي جريمة
مدينة تستقبلك تنبت زهور
ومدينة سافرتي عنها عقيمة
خمسة حروف الأرض من أجلها تدور
والقلب أبيض والملامح لئيمة
إذا كتب ربي وأصبحت دكتور
بدرس الطلاب ضحكة حليمة...
منشورة في مجلة المختلف ص 63
العدد 184 نوفمبر 2006
_________________________________________
وهذا رد شاعر ثاني اسمه ... أبو منصور...
على القصيدة السابقة
بقصيدته الضحكة الحشمة
أضحك على شعــر ٍ بها الوقت مسعور
*************هذا يبي (نـــــا نسي ) وهذا حليـــــــمه ؟؟
ياكبرها لو قالها طفل مغمــــــــور
************* ايش عاد لو جتّ من نفوس ٍ كـــــريمــه
الحور وآجد عند الأجواد بخـــّــمـور
************* يابخت من نال الخـــــيول الحشيمـــــــه
بيتٍ بلا ساس ٍ على العــــزّ معمور
*************الله يعيــّـــنـــك يالبيـــوت الهشيمـــــــــه
مأجور ياللي لــــــدّ بالعين مأجــــــــور
************* العين (عوراء) يالعيـــــــون السليــــــمه
ما يختلف رجال لــــو شار بالشـّـور
************* بأهل العقـــول اللي مرضـها سقــيّـــمه
العــــزّ في بنتٍ بـــها الديــن ممـــطــور
*************يكسي شرفـــــها طـــلّ غيــّم ٍ وديــّــــمه
تحت الخمار تصون در ٍ وبـــــلــّـــــور
************* شمس ٍ تضيء فوق النجوم الظليــّــــمه
الشعــرّ جادل فـــــوق الأمتان مغــــرور
************* ماناشــــــه إلاّ غانميــــّــن العزيـّــــمه
اللي على الملــّــه وبالشرع دستـــــور
************ (يامهرتي )؟ ياكبـــــرها من غنيــــــّــمه
خلك مع ( نانســــي ) وبالحيــّل معذور
************* مهظوم (ياناصر ) بليــــّا هــظيــــــمــه
وإما انت يللي قلت بتصـــيــر دكتــــــــور
*************درّس على ( الـــبــّلآد) ضحـــــكة حليمــه
عساك من تدريسها تصـــيّــر مشهــــور
************** في علــــم لا ينفع ولا فيـــــه قيــــــمه
يلعنك يابيـــت ٍ بـــه الشعــــر مكســـــور
************** مازآد في عـــــرّف المرآجل قســيمه
وسلامتكم ،،،
صارت القصايد على المذيعات والفنانات الاكثر رواجا لكسب اعجاب المتابعين الى متى ياشعراء !
" همسة "
كلن بعقله راضي ...
احترت مادري وين احط موضوعي بالعام والا بمنتدى الشعراء شوفوا المكان المناسب له وانقلووووووه
تحياتي 
11/01/07, (08:59 AM)
ضحكة حليمة ، خشم نانسي
العرض الشجري