اقتباس:
|
المشاركة الأصلية كتبت بواسطة صالح العرجان
بدر هناك اشياء لا يعرفه الكثيرون عنك
احدها انك (( ثلاثي الابعاد )) لك نظر ثاقب لمجريات الامور
كل اللي اقدر اقولها هنا بهذا المتصفح العامر والمفعم بالصفاء هي قصيده خلف المشعان
اللي اسندها عليك (( واتمنى نشوف ردها هنا ))
إن كنت تنشد يالمسيكي .. عن الحال
........................ مالي على .. كتمانها عنك .. حيله
الصبر عن بوح الاحاسيس .. قتال
........................ والبوح في بعض المواقف ، فشيله
لو كل مايطري على البال ينقال
.......................... ماكان شفت ان الثقيله .... ثقيله
ابطيت اكافح ضيقة البال بالبال
...................... . وادفع بلا .. هاجوسها كل .. ليله
لين اقبلت مثل .. السحابه بهمال
........................ تشفي غليل اللي .. تزايد غليـله
طاحت ، ولاْوفق من حناياك منزال
..................... وابطلبك .. يابدر ( تكمى ) المخيله
ان قيل ترعد .. قلهم : صوت زلزال
.................. وان قيل تبرق .. شف لها ادناة حيله
مابي .. تناقلها هل القيل والقال
..................... .. وتصير من بعد القصيره .. طويله
يابدر .. !!
يابدر .. ماني عال .. لو صحتي عال
.................... .. شفني من الصدمات نفسي عليله
اشيل حملٍ .. لو يشيلنه .. جبال
..................... .. الله ، وامانه .. غير تصبح نثيله
أرمي .. من هموم الزمن .. واسحب أدبال
................. وانزل عن ( الجوكر ) وغيري يشيله
من كثر ماشفت بحياتي من انذال ....!!
...................... .. بديت اشك ان النذاله ... فضيله
ماطاح من عيني رجل ..!! طاحوا .. رجال
................. .. ورجال ( يابن حنيف ) ماهي قليله
اقرب من اللي قالهم ضمن ماقال .. :
..................... راكان بن حثلين .. راعي الجزيله
( هذا .. ولد عمٍ ، وهذا .. ولد خال
.......................... وهذا .. رفيقٍ مالقينا .. بديله )
سبحان منهو يابد غيّر الحال ..!!
.................... .. وحط الجفا بين الخليل .. وخليله
هذا الزمن يبغاله .. لسان دلاّل .. !
................. .. من يستحي هالوقت .. واعزتي له
وقتٍ به ( الراعي ) غدى .. راعي دلال
................. .. كلٍ على طاريه .. ينفض شليله ..!!
ومن كان ساسه للردى مضرب امثال
................. .. اليوم .. يحسب من كبار القبيله ..!!
المال ..!!
المال .. يابن حنيف ملعون .. ابو المال
................. // .. ذل العزيز .. وعز .. ناسٍ ذليله ...!! |
صــالــح العــرجــان ،،
شــكرا لــك ... لــمــروورك الــذي اضــاء هــذا المتصفح ..
ولــك ما طلبت .. بالرغم أنك اول من سمع الرد ...
وهــكــذا .. كان الرد ..
أي بالله أنشـد .. واشغـل بصاحبـي بـال
وأفزع اليامـن .. مـال حملـه .. وأشيلـه
عـزم المسيكـي يكسـر قيـود وأغــلال
حمله علـى علـى حمـل الخـوي يرتكيلـه
معـك .. معـك ..قـدام .. قـدام.. لا طـال
خوة رخـا .. لـي نفـس عنهـا .. جليلـه
يـا صـوت فدعانـي لقـا القلـب مدهـال
رزم البـرد ..صـداه ... عقـب المخيـلـه
يا لب .. فكر الشعـر .. وعيـون الأمثـال
يـا ماركـة .. شعـر البـيـوت الجزيـلـه
مـا والله (أكماهـا ) وهـي خيـل تخـتـال
من ويـن .. مـا بحـرّت شفـت الكحيلـه
في وقت معـك ريـال تسـوى لـك ريـال
حتـى البشـر .. معهـا التعـامـل يبيـلـه
ومـا يضحـك الجهـال .. يغضـب لعقـال
والغّـل .. نـاره مـا تطفـيـه .. غيـلـه
" سراب " جت .. ترتع .. بمرعى " لعـلال "
وصارت .. سبب ذبـح الخليـل .. لخليلـه
لا طال ضيقـك .. وانقطـع بـث الإرسـال
إدخـل علـى الله .. لا تضيـع الأصيـلـه
إدحم .. ولا يخلفـك .. نمـرود .. وزمـال
من يبـرك .. لحملـه .. لـزوم ٍ.. يشيلـه
العاقـل .. يكيّـف مـع الحـال .. الأحـوال
لو .. شاف من ياخذ ..مـن العلـم .. ذيلـه
والربح .. مامن ربح .. وأسلم علـى المـال
" بقريـح ".. سـوق مروجيـن .. الهزيلـه
العيب .. وجه الرجـل لاجـاك .. صلصـال
كل ..يوم له .. غايه .. وشكـل .. ووسيلـه
مـا ظنتـي يخفـاك قـوول " ابـن هـذال "
غادي .. النهار .. شلـون .. يلقـا دليلـه
هذا .. زمـن ابنـه امـل .. تاجـد ضـلال
لو شفتـه .. ( منّيـل .. بستيـن .. نيلـه)
الميـل .. بوابـه علـى قطـع.. الأمـيـال
والململـه .. مـا تكفـي أضـرار .. ميلـه
المشكله ماهو نذل .. يـا ( خلـف ) حـاال
النـذل .. تحتاطـه .. وتقـطـع سبيـلـه
المـوت .. غـدرة طيّـب ٍ جـاك .. ختـال
وانـت .. تتوقـع .. غدرتـه .. مستحيلـه
يا ليت .. عن الطيب .. بالناس .. مشخـال
لأجـل اصيـل الطيـب .. ينكـر .. دخيلـه
ذا عصر الأسهم .. فرسته .. مال .. وأعمال
من يبكي أطلاااله ... فيا .. طـول .. ليلـه
يا ابن .. محمد .. قبل .. مشعان .. ينقـال
أذن النقيلي .. كيف.. تنكـر .. نقيلـه ..؟!!
أكبح .. جماح .. الفصل .. والأصل .. طربال
وفوارق الدم .. الحمـر ... بالفصيلـه ..!!
دام الذهب .. ساوى .. نحاس .. وكرستـال
أضحـك .. لا شفـت الدايـره .. مستطيلـه
العافيـه .. ماهـي .. ورى رفـع الأثـقـال
العالفيـه .. قلـب النوايـا .. النبيلـه ..!!
كل الـــــود لك ،،
13/12/06, (05:23 AM)
رد: غـــسـيـــل الــنــفــوس ..؟!!
العرض الشجري