طاروق بين نمش الشمري وذعار العتيبي

[نمش الشمري]

أهديكم هذه المحاوره والتي جرت بيني وبين الشاعر الكبير / ذعار العتيبي

وقد كنت أنا البادي بالطاروق :



نمش الشمري

سلام يا ذعار والموضوع ما يحتاج تفسير

.............................. وأثني سلامي على كل الضيوف الحاضرينا

رحنا وجينا وجسّـاس إبتلش في سالم الزير

............................... يا جعـــل رب السمـــا ما يبتليــك ويبتلـــينا


ذعار العتيبي

يامرحبا يامسلم كـان فالموضـوع تغييـر

............................اخلفت كل العهود اللي مضت بماض السنينا

جساس خله وشوف الدرب قدامك مناعيـر

.................................ماتدري إناّ بسوق العـز بعنـا واشترينـا


نمش الشمري

لا قـــدّر الله .. حاجه يا عتيبـــي لازم تصير

............................. غصبن على المسلمين ورغم أنف الكافرينا

أقول ( والنعم ) بعتيبه ترى ما أقول تقصير

.......................... وإترك عتيبه .. وشمــّـــر في سكنهم ساكنينا


ذعار العتيبي

لاقدر الله حاجه ماحسب لسعود وخضيـر

..................................والعلم لن قالـه الله يانمـش لزمـة يدينـا

انته تلوى على درب العرب ياعاكس السير

..............................ماتدري ان العرب فيما جرالـك خابرينـا


نمش الشمري

إسمع كلامي ترى بعض السوالف وضعها غير

.................................... والسر إذا طاف رقم إثنين ملزومن يبينا

العــــام يـــوم إننا زرنـــا هل الدوحــه مســايير

................................... ما قصدنا غير نكشف عنك يالكنز الثمينا


ذعار العتيبي

اليا استمعنا كلامك ماعرفنا لك معايير

..........................................احيان تقسى عضامك لكن احيانا تلينا

انته مسند وخلق الله ياخونا محادييـر

..........................................ماكنت اضنك تلفلفها يسار ولا يمينـا


نمش الشمري

أنـا خـــوي الخــــوي مهمــا يطــولن المشــاوير

...................................... إنشد وتسمع كلامن ما يسرّك يالحزينا

وارد عراوي ليا علـّق ( كلتشه ) يضرب القير

..................................... حسيبي الله على وارد عراوي كل حينا


ذعار العتيبي

ماقلت بك شي سر الليل لاتزعل ولاتطير

.................................وان كان دارت رحاكم فخصماكم طاحنينا

الحر طيرٍ ولكن ماهو ابمثل العصافيـر

..................................والناس تفرق وتخلف فالهزيله والسمينـا


نمش الشمري

ما قلت غير الكلام .. اللي كتبنـابه تقارير

................................. دوّر على غيرها .. تبغى تمشـّـيها علينا

المطرقه يا عتيبي ما تروّعها المسامير

.................................. لو المسامير تحكي كان تسمع له ونينا



وسلامتكم ...........