كبرياء انثى.. وموضـــوع مجــرد!!

[المشاعر]

هلا بالعفريته كبرياء

اشوا انتس مااكنتي بنفس قسمي ولا انتسان مااطيقتس وحاقده عليتس
ههههههه

لكن اهم شيء انتس ماضريتي احد من بنات قسمتس

::

بالنسبه لي انا جنوني وهبالي كان بالمرحله المتوسطه
كان جنون من جد لدرجة اننا كنا نصبغ جدار المدرسه ونسوي مقالب بالمديره
ولاكنا نحضر الحصص وذا كشفونا قعدنا نصايح بطني يعورني ..بطني يعورني

::

وراحت ايام المتوسطه ومن دخلت الثانويه صرت هاادية حيييل
ايام المتوسطه صح انها كانت ممتعه بس فيها اشياء كثيره ضرتني ومتندمه عليها

::

ويوم دخلت الكليه كان همي دراستي
صديقاتي المقربات لي حيل كلهم دخلوا قسم انجليزي
وانا دخلت احياء نبات
يمكن لاني كنت وحيده بالقاعه .. هو اللي خلاني اهتم كثير بالدراسه
مع انه صار لي زميلات لكن ماكانوا بمثابة صديقاتي
طبعاً لاطلعنا من القاعه نجتمع انا وصديقاتي المقربات بالكفتريا

::

والحين بعلمتس ليه اقولتس ((كان حاقدة عليتس))..

لان كان فيه مجموعات من البنات مثل حالتس..طول وقتهم برا القــاعه ونفس الحاله بنات يوقعون لهم
حنا نتعب ونحضر بالساعات وندون المحاضره
وهم بالكفتريا ويتمشون ويستانسون
واخرتها باخر الشهر وقت الامتحان يجون يطلبون منا المحاضرات
انا كنت اتضايق ..بس كنت اصورلهم المحاضرات مع ان هذا الشيء يضايقني..


بس ياليت السالفه وقفت على كذا

لما كشفتهم الدكتوره
لانها لاحظت تشابه التوقيع
ونادت على الاسماء وكشفتهم

اللي قهرني انها عاقبت كل القسم ماعقبتهم هم بس
ونقصتنا كلنا خمس درجات

وياليت السالفه انتهت على هالحال

لما صاروا يحضرون بعد العقاب

تسمعين اصواتهم وضحكهم باخر القاعه
ولما تهزئهم الدكتوره يستخفون فيها ويضحكون اكثر
واللي يجنن ان الدكتوره عاقبتنا معهم
ونفس الشيء تنقيص بهالدرجات

وهم باااردين ..

واللي تعبني يوم جاء الامتحان الشهري في مادة تشريح النبات
قالت الامتحان من اول محاضرة إلى ماوصلنا
وذاكرت وكنت واثقه اني باخذ درجة زينه

عطتنا اسئله من اللي خذناه وسؤال عليه 6 درجات من شيء ماشرحته لنا ولابعد خذناه
قلنا ليه يادكتوره قالت هذا بعد عقاب لقلت ادبكم..

::

وكان عندنا مادة حيوان مشتركه
في امتحانها بالمعمل جاء امتحان التشريح
الضفدع الصغير كان يباع باقل
انا وصيت ناس يجيبون لي اكبر ودفعت فيه اكثر
لما جاء التشريح
وخدرت ضفدعي بالاسيتون
تفاجئت ان الدكتوره جت واخذته مني وعطتني واحد صغير حيل وسوت هالحركه
مع كل بنات القسم
يقالتس هذا بعد عقاب

طبعاً هي حاقده علينا لانهم استخفوا فيها وهي تهزئهم وهم مطنشينها..

ومع ان الضفدع صغير الحمدالله ربي نصرني عليها وشرحت زين ولاطلع دم ولانقطع اي وريد او شريان
وخذت درجة كامله

والحال استمر كذا
ومواااقف كثيره مو هذي اوووبس
مع اني ماشيه لكن نفسيتي تعبت

((احيان اقول خلني استاهل يمكن هذا عقاب لي
باللي سويته بالمتوسطه
لاني جننت المديره والمدرسات.. ))

المهم

تحملت السنه الاولى لين صارت السنه الثانيه اسواء

من جد كرهت الكليه وتركتها
مع اني درست سنتين.. بس خليتها
والحين الحمدالله في معهد حاسب والحمدالله تمام التمام
المعهد ميزته ان مافيه عبث
وكلن ياخذ قدر تعبه ومجهوده ولا احد ينظلم..


::


ذكرتينا بالمـــاضي

ملخـــص كل الهـــذرة

V
V
V

حلو انك تستمتعين بس الخوف لاضريتي نفسك والامر لما تضرين غيرتس


وكلنا نعمل اشياء كثيره ونندم عليها
بس الحلو اننا ننتبه ونصلح من حالنا

وعسى ربي يوفقتس ويوفقنا