الغااااليه

[احمد البطمان]

بسم الله الرحمن الرحيم


السلام عليكم ورحمه الله وبركاته


كل عام وانتم بخير



أخواني أعضاء منتدى الويلان


أتمنى ان تقبلوني عضو في هذا الصرح الشامخ لأني وجدت فيه مالم أجد في غيره


أعزائي ها انا اضع بين أيديكم أول مشاركاتي في هذا المنتدى التي أتمنى أن تعجبكم جميعا


فرأيكم يهمني كثيرأ


واذا لم تكن القصيده بمستوى هذا الصرح فأني أرحب بأي نقد في قصيدتي


فـهـا أنا أتتلمذ بين أساتذه الشعر

أتمنى ان تعجبكم متواضعتي



مناسبه هذه القصيده


هذه القصيده اهديتها للوالده الله يطول لنا بعمرهاا في ليله عيد الاضحى

احترت ايش اقدم لها عيديه وقلت اقول فيها قصيده على شان تعرف قدرهاا

انتثر من قصيدي وقال توك ما وعيت
لك ثلاث سنين شاعر تكتب وتمسح قصيد

ناسين اغلى الحبايب ما تذكرته ببيت
ناسي اقرب شخص حولك ناسي الشخص الفريد

قلت منهو يا قصيدي ولله اني ما دريت
بس ذكرني بأسمه ويا عسا عمرك مديد

قال امك يا اناني يا ولدها قد سهيت
لا كتبت أبها قصيد ولا كتبت ابها نشيد

قلت والله يا قصيدي ما توقع فيه بيت
يوصف الى بالحنايا من شعر والا قصيد

ونزلت دمعه عيوني والله العالم بكيت
في احد ينسى غلاته في زمن قاسي عنيد

والله انتي يا غلاتي عزنا يالي دريت
امي خلتنا أنتكاتف ومسكتنا ايد ايد

لين خلتنا رجال ما نهاب وما نهيت
مع شبابن ضايعن ما شاف له درب جديد

واعذريني يا غلاتي يوم انا عنك سليت
واعذريني يا عيوني يا سند كل العبيد

وقلتها لك من زمان ما توقع فيه بيت
يوصف الى بالحنايا من شعر والا قصيد

بس فيني شي واحد واسمعه يالي خذيت
هالقصيده من ولدها وحطها بيديك قيد

من غلا امي كل عمري والله اني قد فديت
فدوه لمي كل عمري وقبل لا احيا من جديد

هذا اكبر ما ملكته في حياتي من ربيت
وهذا اغلى شي عندي ما عطيته غير بيد

ودامك انتي ما رضيتي بعمري الى انا عطيت
مابي اكثر بس أخذي من ولدك (أحمد.) قصيد

كلبوها كلمتين وادري اني ما وفيت
لو قعدت العمر كله ما اضن انه يفيد

قدرك اكبر من قصيد ومن كلام قد بنيت
من شعر صف القوافي ومن كلام ما يزيد

فـ ياهل ترا شعري أرتقى لذائقتك قبل المبيت
أم ابى ان يعجبك هذا هو الحزن الاكيد

لله درك يا أبنها ويالذا الشعر المقيت
لم يستطع ان يرتفع ليعجب الشخص الفريد

والله حتى الفصحى عيت ما رضت دامي رضيت
اني اكتب هالقصيده وقالت اني مستزيد

يالله انك تقبلين القاف مادامي عطيت
عيديتي ذربه وبسيطه وبالي به اقدر اجيد

انشغل فكري وبالي بنظمها لك بيت بيت
لين صارت لك قصيده اهديتها في يوم عيد

واحمد الله واشكره ذكرني يوم انا نسيت
اني اكتب فيك يمه لين خلاني أزيد

واختتم هذي القصيده بدمعتي يوم انتهيت
يا عسا عيدك سعيد ويا عسا عمرك مديد

أتمنى ان تنال على استحسانكم


أحمد البطمان