ياناس انا ماشره على شاطي النيل ..!! اشره على دار الكرم والرجوله ...!!!!!!!!!!!!!!!!!!

[عبدالله بن مشعان]

اخواني واخواتي اعضاء شبكة ويلان


كل عام وانتم بخير


واليكم هذه المصافحه المتواضعه والتي اتمنى ان تنال استحسانكم


,,


الله يغنيني عن القال والقيل ***وعن شوفة اللي ماتنومس فعوله

والله يبعدني عن الشك والميل*** والله يقربني لدرب الزحوله

العين ورتنا ضعوف وحلاحيل *** والقلب ميز في نتاج الرجوله

وانا عشقت الطيب والبن والهيل ***وراس الرجل يبني معالم ميوله

والله لااعيل ان شفت انا العائل يعيل *** واشوم عن درباً يجي به ثعوله

والراس مايخضع تحت حكمة الذيل ***والنفس محسوبه عن اللي تقوله

والوضع مزري لو يجي فيه تبديل *** دامه يطبل والعرب صفقوله

وماكبر بعيني زحول الرجاجيل *** الا قساة الوقت يوم ارتكوله

افرح ليا ذكروا رجالاً مشاكيل *** لن الدهر نسى عيال الحموله

ماينسي الماضي ياكود المهابيل *** ومن ينسي سلومه يامبعد وصوله

البال في وسطه تسابق هل الخيل *** واودع معاه القاف صوله وجوله

اهل الوفاء والطيب ذباحة الحيل *** اللي تحمل في ثقال الحموله

ياجيل انا همي سبايبك ياجيل *** جيلك ترى ياجيل ماله عموله

والوقت لو يجمع رموز التماثيل *** ما كان هذا الوقت صعباً قبوله

هذا الزمن يبغى له ادوار تمثيل *** اضحك وجامل لاتعيش البطوله

اكتب عن المجمل وخل التفاصيل *** وان قيل قوله ..قول والله لقوله

العبد لو يعطى على الكيف ويشيل *** اول ماينسف اقرب الناس حوله

وخلك على الدنياء صبوراً وحلحيل *** لاتصير عسر ولاتعيش بسهوله

لاشك جيب الكيف وجيب المعاميل *** بسوي فنجالي واكب الحثوله

كل مانشدته قال روح بتبتيل *** وكل ماسكت شوي نوخ ذلوله

احداً على الطيبه سهر لااخر الليل *** واحداً يدينه ماتعدى رجوله

الله يستر بالليال المقــــــــــابيل *** والا لعل الطيب يكثر هطوله

ياناس انا ماشره على شاطي النيل *** اشره على دار الكرم والرجوله


وسلالالالالالالالامتكم