الأعلان عن فعالية ( راح تكون قدها )

[شمــــــــوخ]

يا هلا و مسهلا ..
يالله ان تحيي هالخشش


تعالوا بسرعه نشرح لكم وش سالفة هالفعالية ما فيه وقت<<-- تلهث


][ فكرة الفعالية ][

مجموعة صور .. تم اختيار جزء محدد منها للعرض .. و الباقي غطيته عنكم .. و نبيكم من خلال مقدمه صغيره عن الصوره .. معرفة وشو هالشيء اللي قدامكم .. ولاّ وشلون تب تصير فعاليه يعني ؟؟
<<-- لعنبوا ابليستس أحد اعترض الحين

الفعاليه تب تكون مباشرة ع الهواء .. لمدة أربع أيام غير متتالية .. تب تكون بإذن الله : يوم و يوم .. طبعا في اليوم اللي ما يكون عندنا فيه هالفعاليه .. راح ننزل لكم الوقت اللي نب نفتتحها فيه من جديد – فـ اليوم اللي بعده -
ان شاء الله وصلت الفكره لأني بصراحه ما اعرف اشرح أكثر من كذا


][ شروط المشاركة ][


1- المشاركة مفتوحة للجميع بلا استثناء .. بس قبل نبدأ نب نقول لكم ع شوية شروط مهمة لأجل ما تحمّسون بالرد و عقبه ينحذف ردكم خير شر و يصير تواجدكم معنا ماله داعي


2- فيه مجال لكل عضو لطرح سؤالين فقط غير مباشرين عن الصورة .. و فرصه واحده للتخمين .. و عقبها ما له أي حق في كتابة أي رد و راح يكتفي بالتواجد و المتابعة .. طبعا طرح السؤالين لازم يكون قبل التخمين


3- في حالة إن فيه عضو يب يسوي فيها فطين و يب يجدع تخمين من أولها .. إذا طلع تخمينه [ صح ] فـ راح تحسب له 3 نقاط و بالعافية عليه و راح ننتقل للصورة اللي بعدها .. لكن لو يطلع التخمين [ غلط ] .. راح تروح عليه فرصة طرح الأسئلة + إننا نب نربطه بـ حوش الأسره و نضربه إلى ما يعض الأرض<<-- يارب يغلطون ناس في بالي


4- كل يوم من الأيام الأربعه .. راح ننزل فيها صورتين بس .. في حالة إن الصور انكشفت قبل انتهاء الوقت .. راح يتقفل الموضوع .. و ننتظر لليوم اللي بعده .. لكن في حالة ان الوقت انتهى و الصور لا زالت غامضه .. راح يتقفل الموضوع بانتهاء الوقت .. و راح تستأنف الفعاليه مع " نفس الصور " في التوقيت المحدد .. من خلال اعلان في موضوع يب يكون مثبت في الأسره مثل ما قلنا لكم فوق


5- في حالة وجود محاولات استظراف أو قلب الموضوع لـ شات و خلافه .. نب نقرشع الرد و أبو الرد و نب نجيب الواثقه سيكيورتيه عند [ اضافة رد ] .. حتى يكونون رادع لكل من تسول له نفسه العبث بالأسره و زعزعة أمنها .. حفظني الله - أنا شمــــــوخ – في حلي و ترحالي

.
.

.
.

ان شاء الله نب نفتتح الفعالية .. اليوم من الساعه 10إلى 10 مساءً ليوم غدآ <<-- ما أحلاتس مفتتحتها الصبح
ننتظركم .. لا تبطون


.

شمـــــــــــوخ