,’,’,’, اليتـــــيم الحــــزيــــن ,’,’,’,

[مشاعر حالمه]

السلام عليكم ورحمة الله وبركاته

قصيدة اليتيم ( وهي لطفلة يتيمه حصل بيني وبينها هذاالموقف الحزين )

اتمنى أن تعجبكم ... وقد تكون آخر قصيدة لي ...والله أعـــلم ...



الطفل لامنه بكى ..نعطيه حلوى أو عصير

والمشكله لامن بغى..تحقيق سابع مستحيل

قابلت انا طفلٍ صغير ..دمعه على خده غزير .

حبيت خده قلتله ...وشفيها ادموعك تسيــل

ودي احقق منيتك ..وارضيك لو شيٍ يسير

قال بتردد وينها ؟!! اللي بها همومي تزيل

اللي اذا لمحتها ..أفرح ومن شوقي أطير

ودي أنام بحضنها ..واخفف الهم الثقيل

يزيد حزني لارأيت ..أمٍ تضم لها صغير

انا ابي لي ضمةٍ ..تداوي الجرح العليل

عرفت مقصود الطفل ..امه توفت هالغرير

بدال ماأهون عليه ..بكيت وزودت العويل

سامحني ياذاك اليتيم ..ربي بغالك هالمصير

رسولنا محمد يتيم ...اطهر بشر ماله مثيل

آخر كلامي باختمه .. وارفع يديني للبصير

الله يساعد من فقد ..امه وابوه اللي يعيل


وســـــــلامـــتكم ..

( خاطري احد ينشدها على لحن نشيدة

انا اليتيم انا اليتيم يامن يجاوب صرختي بس ماعرف منشدين للأسف )

تحيتي لكم / مشاعر حالمه ..