الــعــيـن تـدمـع لاطـرفــتـهـا يــديــــنك

[عبدالله عايد]

المشاركة الأصلية كتبت بواسطة مزيد المزيد

قصيده اتمنى ان تعانق نقاااااااااء قلووووووووووبكم ....

ياخالد الدنيا عسى الله يعينك = محد" مشى فيها على كيف وده
فيها الغرايب والعجايب تدينك = مره رخااا .. مره قساوه وشده
وان مالت ايامك وشانت سنينك = فصل لحافك قد رجليك مده
يسترك من قل" بذله يهينك = لاروحت سود الليالي مصده
واحذر من اللي بالرخا محتمينك = البعض لاشانت تغير مرده
واتعب على الطيب وخله قريــنــك = وان شفت فعله للرجاجيل عده
وياحر شامخ ماتوطي جبينك = اقبل قصيد" ما أبي منك رده
العين تدمع لاطرفتها يدينك = لابيح الرجال سره وسده
والاجنبي لا اخطا تخزه بعينك = وان عادها تلعن ابو جد جده
بس البلا لاجات طعنة يمينك = من كف رجل" للمواقف تعده
اللي تحسب انه من اول عوينك = بيّن رداه وغير الوقت وده
واحسب حسابك بين نفسك وبينك = لاستاحش اللي حط يده بخده
والله .. الله في رضا والدينك =قبل الظلام اللي يوقفك حده
وياخالد الدنيا عسى الله يعينك = محد" مشى فيها على كيف وده

مزيد المزيد

مجموعة من الحكم والنصائح في قالب ادبي رائع لا يستطيح حبكه وحياكته سوا مزيد المزيد

قلت فأبدعت يا ابو راكـــــــــان

لم استطيع ان انسخ بيت او بيتين فكل شطر يحمل من المعنى والحكم ما يخيفني ان اظلم شطر او بيت بعدم نسخه

مزيد شاعر تأتيه الردود بما هو موجود

فلم يجتذبنا لك اعلام ولا صحافة ولا اسم لمع بأفواه المبالغين وانما اجتذبنا لك الشعر الحقيقي

ابو راكان صح لسانك مدد بلا عدد

و تقبل فائق احترامي لجنابك