السلهمه

[ناصر الجابر]

السلهمه ياصاحبي تجرح الروح=لطرقت بالرمش روحي شكتها
روحٍ خفاهايالغضي فايحٍ فوح=من عينك اللي علتي سلهمتها
رمشٍ عكش وأوجان غادي لهاضوح=لحْلولكت ظلمة دجاي أنورتها
مثل البروق إبرايحٍ نورهاإيلوح=بمزون هلت بالرشوش أمطرتها
أناأشهدإنك ياهوى البال مملوح=لوالعذارى ياهواي أغضبتها
كلمة صحيح أولابهاضحك وامزوح=النفس تعشق من هواهاإعشقتها
سدّي من المكنون للناس مفضوح=وأنت السبب يوم الكنين إفضحتها
روحٍ تودّك بيحت كل منضوح=لاتلومهايوم إنهاماحفضتها
مالوم لوخافي خفاالسدمبيوح=خليتهاتطلع خفاهاإبسنتها
لوهي ثمان القلب تلقاه مسطوح=أوتلقاالسنين إبوقتهابهذلتها
حب النقامع جاري الوقت مايروح=لوطالت إسنين الشقامامحتها
لوتذبح المجروح ياشوق مسموح=ولوعشرتك بيت الضميرأوجعتها
لوجيت أبدله مرني منك ساموح=هجعة إحساسي في خفاي أيقضتها
جملة هواجيسٍ لهاالبال مفتوح=لدغدغت بالذاكره ذكّرتها
كني إبلجات البحرراكبٍ لوح=شط السلامه ماوصلناجهتها
ألوج بالغبه ولوكنت سابوح=لوحي زعوج أمواجهاصفقتها
لوحي غداماغيرأناجيت وأروح=غرّب أوشرّق والهبايب نحتها
غرست لك في خافقي غرس ممنوح=منحة عطاحب الموده عطتها
ياعين شرقٍ ماكره نايف الصوح=في مرقبٍ مافيه رجلٍ رقتها
غيرك تراشوفه على العين ذرنوح=والنفس ودك غيرهاماشتهتها
أنت الحبيب اللي له البال مشروح=لوماحصل شيٍّ عطاك إمنحتها
شبعت إعيوني وأشبعتني من النوح=أبكي إبدمعٍ عينهانثرتها
يطقني بمها يف الرجم لافوح=لمن رقيت إبمرقبي وإعتلتها
رجلٍ على شانك رقت راس لحلوح=أوكم قنّةٍ عدّت بها وأشرفتها
السلهمه لي عقّبت غبن واجروح=مالوم لوروح النقاوه شكتها