حنا بني وايل بعيدين الاذكـــــــــــــار @@ اليا تناخو بالجموع المشـــاهـيـــــــر - °~*¤®§(§ شبـــكة ويــلان العـربـيـه §)§®¤*~ˆ°

**عبدالكريم العنزي** · 14/05/05, (02:34 AM)

يالله يامدير الهبايــــــــــــب والادوار = شانك عسى تصريف شانك لنا خيـــر
يالله ياعالم خفيات الأســـــــــــــــرار = يامعتنــي بالخلق والي المقاديـــــــــر
قلته ونوم العين عن جفنها طـــــــار = والقلب كنه فوق حامي المجاميـــــــر
جانـا الخبر يالابتي ولّية الـــــــــــدار = سكانها الأجناب هم والبقاقيــــــــــــر
من عقب ما كنا بها مثل الاســــــوار =نامر وننهي نحمــــي الجار ونجيــــر
من عقب ماكنا هنيا كما الـنـــــــــــار = نقطع بها شر وناصل بها خيــــــــــر
حنا الذي ترجع لنا كل الأشـــــــــوار = لا صار بالقالات شوار وامـشيــــــــر
حامينها في لابة تسقي الامـــــــــرار = عدوهم ما يحتسب للمخاسيــــــــــــر
لابد ما ناتي لابانـــــــــــــــــات زوار =باسلاف عجلات تعدى المظاهيــــــــر
يهوّمن هومات بعيدات وعســــــــار = وكم ذيرن من غافل مابعد ذيــــــــــر
كم فاجن العدوان غرات وجهـــــــار =الى انتون كم يسبقن من معاييـــــــــر
ظعاينن حطن ملكهن بسنجـــــــــــار = وبنن على الخابور زين الدواويـــــــر
وتواهلن الزور حصن لهن كــــــــار =ومن البطين الى الرها له معابيــــــــر
وكنن مع الحاوي وداجن بالامصــار =وجابن خفارتهن بفكر وتدبيــــــــــــر
وحطن على السلمان طيحات الامطار = وصارت لهن لينه وخضرا مصاديـــر
و(أبا ذراع) أضحى مقيم على الــدار = وشالن حلال المحمرة والمساميــــــر
ومالن على رجم الهيازع وسنـــــــّار =وجابن حلال المحمره من ورى النيـر
نامر وننهي مانداري بـــهـــــا ادوار= ونهدي العاصي بخسر ومخاسيــــــر
وراجن على الشنبل وداسن الأخطار = وهدن بها العاصي بيسر وتيسيـــــــر
ثم انتحن مع كفة الشط عــــبــــــــار=وهاجن وماجن فوق روس العناقيـــر
واقفن وكالن من شثاثا بالاسعــــــــار = وحطن لملموم المسمى مساييـــــــــر
واقطعن ينون الخطايا والاقفـــــــــار =وكم طيرن جول الحبارى مخاميــــــر
وخلن فوق الشبك عج الرمك طــــار = و حلو هاك اليوم خز المعاشيــــــــــر
واركن على ورد الدجاني لهب نــــار = وغدو بها الويلان مثل المداويــــــــر
وشدن وحطن الثمامي بالايســــــــار = وخلن على المطران مثل المعاصيــــر
سارن بناالزرفات باقبال وادبـــــــــار = من غوطة الفيحا الى غسلة الديــــــر
في كل درب بالمناعير عبــــــــــــــار = ياما تجوب خيولنا من مشاويــــــــــر
نروم من زين المنازل ونختـــــــــــار = ونستارد الخوه بحدب البواتــــيــــــر
لياما نخونا اللي على نجد حضـــــــار = وجانا كتاب من زبون المقاصيــــــــــر
ماجد بن عريعر حر الاوكــــــــــــــار = يقول وليت داركم يالمناعيــــــــــــــر
الشيخ اللي حيف على البيض بالغــار = يقول حل بداركم (حرب ومطيــــــــر)
وجيناه مثل السيل طمام الاوعـــــــار =لياما غدت عنها البوادي شعاثيــــــر
أولاد عم ولابنا قول شبشـــــــــــــار = وشيخ لنا عنده جلال وتقديــــــــــــر
أولاد عم وما حذانا لهم جـــــــــــــار = حنا عليهم نحمي الجار ونجيــــــــــر
حنا شبات الحرب وان شبت النــــــار = وتوايقت بين الحنايا الغناديــــــــــــر
حنا بني وايل بعيدين الاذكـــــــــــــار = اليا تناخو بالجموع المشـــاهـيـــــــر
حنا هل الجمع المسمى ليا ســـــــــار=بمركاضنا يشبع به الذيب والطيـــــر
وين انت ياللي تايـه منك الابصــــــار = جيناك حوله من شثاثا وابا القـيــــــر
هـج (الدويش)و مالقينــاه بالـــــــدار = زبن على الحـره وذيـك الشناخـيــــر
باغي عليهم صـايرن مثل ماصــــــار = ذبح الشفـايا واغتنـام الخواويــــــــر
كســيرة ماقط ذكـرت بالاذكـــــــــــار = فيهـا القلايـع مثل روس الخنازيـــــر
صحنا عليهم صيحة باللقا الحــــــــار = حتى جبرنـاهم عن الدار تجبــــيـــــر
لولا شفــاتي فيـك يانجد ماأحتـــــــار = فكـري ولا كثرت علي التفاكـــيـــــــر
ولولا شفــاتي فيــك ماجيت مــــــرار = نادى نذيرات الهواجيــس ونديــــــر
وندير حيــلات بالاريـــا وتبصـــــــار =وارجي من الباري عساها مسافيــــر
نجد جـفتنا وكــل دار لنـــــــــــــا دار = ماهي معـافه مـير جوع ومداهـيــــر
قطعـاننــا ترعى زماليــق نــــــــــوار = لياما غدى فـوق الاباهر قناطـيـــــــر
مـابين مسنــاد ومــا بين محــــــــدار = يامـا قطعنــا بدربن من مشاويـــــــر
ياما ركــبنا بالسرى قب الامهـــــــــار = وبعيرات الأنضــا كنهن السنانيــــــر
نعتاض عن دار عليها الدهر جـــــــار = ديد العسل فيها تعيش المفاقـيـــــــر
مثل المسوح اللي ترزم على حــــوار = دار مريه بالشتــا تسمن الضـيـــــــر
دار لها بالقيــظ غدران وانــهـــــــــار = والتمّـن المجروش ملي الجواخـيـــر
وصلاة ربي عد مابالســـما طــــــــار = طيرٍ وعداد ماوردن ظمايـا على بيـر
على الرسول المصطفى سيد الأبــرار = نور العباد اللي يشيع التباشيـــــــــر