عاجل جدن جدن (( مساعدة شاب بيطيح في ورطه ))

[شمــــــــوخ]

السلام عليكم والرحمه

شوفوا اليوم انا كاتبة لكم موضوع غريب وعجيب ......

كنت قاعده انا وبعلي العزيز نتفرج على التلفزيون ونشرب قهوه وكنا في قمة الرومنسيه كان

معطيني مقفاه ودافس بوجهه في الجريده يعني انه يقرااها وهو بس يبغى يسكتني علشان لاااهذر على راسه وانا بعد مو احسن منه اعطيته ظهري واقلب في قنوات التلفزيوون << هذي رومنسية السعوديين

واهم شي اننا لنا ربع ساعه نتقهوى من غير مايتخلل قهوتنا مناقره او هووووشه مثل العاده
وهذا بحد ذاته شي غريب وعجيب

المهم وانا اقلب القنواات ويجي ذاك الخبر في قناة العربيه مفااده << تراني عصرت نفسي بقوووه يالله طلعت مني مفااده فخلوا بالكم عليها زين

خبر خلاني ابقق عيوني زي هذا >>>> ...

الخبر:: (( سيده قطريه تقيم في قطر تبلغ من العمر اثنان واربعون عاما تريد الزواج بشاب يعمل ويقيم في قطر يبلغ من العمر ثمانيه وعشرون عاما لبناني الجنسيه ولهما سنتان وهما يحاولان الزواج ولكن لم يعطوا التصريح لان هناك قوانين تمنع زواج القطريه من الاجنبي ))

طبعا انا سمعت الخبر من هنا وفغرت ومن غير مااحس بنفسي قلت اوف اوف اوف
والله هذي الي طاحت واقفه فوق ماهو ورور صغير لاااااااااااااا ولبنااااني بعد

طبعا زوجي رمى الجريده من يده والتفت وقالي وش قصدك <<< كن ابو الشباب عصب صح

قلت:: قصدي قصدي قصدي <<< تلجم لساااانها

قالي بالحرف :: احمدي ربي ماحد تقدم لك غيري والا كنتي الحين مخلله في بيت اهلك

طبعا انا ماسكت ردت عليه وقلت له وشو وشو؟؟
انا تقدموولي عشره رجاجيل وربع بس كلهم سحبت عليهم <<<< بدا الكذب يشتغل خخخخ

قالي وينهم العشره كان واحد منهم خذك وفكني منك كنت الحين انا برفسووور في المغرب

وقام وشال فنجال القهوه ورماه علي وانكسر قمت انا شلت صحن القهوه كله بالي فيه ورميته عليه وانكسر قام شال الطربيزه ورماها علي وانكسرت قمت شلت الكنبه ورميته عليه وانكسرت << <<<< تداخلت المواضيع في بعض

قام اخونا شال الجدار بيرميه علي بس انا وقفت ذيك الساعه وقلت هوب هوب :: مافينا غش

( شفتك يوم سرقت عشره من الكيرم قالي ووانا شفتك يوم طيحتي غطا الحمرا ورجعتيه وسويت نفسي اني ماشفتك قلت خلاص اجل وحده بوحده قالي خلاص قمت رحت اركض للغرفه الثانيه وجبت ريموت الفديو

ورجعت اللاحداث لووورا يوم حنا نتقهوى برومانسيه << << كرهتي الناس في الرومانسيه حقتك هذي الله يقلعك

ورجعت قعدت مكاني وغيرت القناه على سبيس تون وقعدت اتفرج على (( انا واخي ))

وابوالشباب يقرأ جريدته وماكني قاعده جنبه

الفائـــــــده :

ام اربعه واربعين اقصد اثنين واربعين هذي مو كن مدة صلاحيتها قربت تخلص ؟؟؟

الشاب اللبناني هذا اكيد حاط عينه على فلوووسها صح ؟؟

,,

<<<< هذي الحلووه وش الي حارق رزها ؟؟



بالله وش رايكم في الموضوع ككل ؟؟؟

.

.

شمــــــــــــوخ