إاليكم بعض قصائد خالي الشاعر المعروف : فهد بن عافت الشمري

[محمد الزناتي]

بسم الله الرحمن الرحيم
السلام عليكم ورحمة الله وبركاته
حباً لهذا الشاعر العملاق ,والذي يحظى بمتابعة محبيي الشعرالحقيقي
وهو بلا شك أنه شــاعــر عني عن التعريف ..أمتع الجميع بقصائده
أبتعد في الآونه الأخــيـــرة عن الصحافة ((لأسباب خاصة)) ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــ

رحبو معـــي بــــــــــــــ (خــالــي) الشاعر المعروف : فهد بن عافت الشمري


وسوف يتم بإذن الله وعن قريب إنضمامة إلى شبكة ويلان العربيه
أتــرككم أحبتي مع مختاره من قصائده التي لا شك سوف تعجب الجميع.....

(لــولاي)

انا .. انا .. لولاي انا من تكونين = اقولها وانا نعم .. فيك مغرور
انا جعلتك نور وانتي .. من الطين = جرة قلم .. وامحيك من عالم النور
انتي بدوني وردة في البساتين = والورد في دنيا .. البساتين مغمور
لكن معي صرتي .. كما الشوف للعين = والعين لولا الشوف .. ماظن لهادور
هذا وقصدي تعرفي موقعك زين = وحذرا .. ترى من انذرك صار معذور
اما اشتري ودي على العسر .. واللين = والا تراني .. بايعك بيعة البور
بسطور .. خليتك شعار المحبين = وامسحك من دنيا المحبين بسطور

ويقول ايــضـــاً في قصيـــدة (عــبـــث)..

عبث تحسب سنيني بالسنين وتكسر المكسور = عبث ترمي بدلوك في القديم ، وتجلب أعماقي
أنا الذابل مابين المكرفون ورغبة الجمهور = عشان أحيا .. مثل مالازم أحيا داخل أوراقي
تضاريسي ، هي المستقبل المتواضع المغرور = لذا مديت كفي للوداع وبعلن افراقي
عجزت أقبل أصابيعك قفص وأحلامي العصفور = عجزت أخذل دمي لو مرةٍ وانحزت لخلاقي
رفضت إني أكون القطعة اللي تكمل الديكور = تخيلت المكان ، وهالني حبسي على فاقي
ستارٍ باردٍ مسدل ، وجرحٍ ماينز بنور = وكرسيٍ تشد اعيونهم بأطرافه اوثاقي
ملل ، يلغيني التصفيق والمسرح بليد اشعور = جنون استقبل الورده من اللي يذبح الساقي !!
وداعا للقلوب المستريحة والعيون البور = هلا بك يالدروب المتعبه لو كنت بك شاقي
أنا الأرض اليباس اليا بنا غيري بجلدي سور = وأنا المرعى الخصيب ان كانت حروفي هي انياقي
كفاني من حياتي لو مضيت ولا شهدت بزور = وكفاني من مماتي لو مضيت ولي أثر باقي

وأخيــــــــــــراً مدحه في ربعه((الطنايا)) :

هينه دام هي هذي فهي هينه =والله اني حسبت العاقبه عاقبه
عاد تدري هي من أول وهي بينه = شوفها مايبي له نظرة ثاقبه
بنت ستين كلب وزفت ومطينه = قصة النجم والخبل الذي راقبه
مابعد ماشفت من همي سوى عينه = كيف أجل لو همومي جتك متعاقبه
جيتك بغصن طيب زهرته لينه = كيف لو ييبس وتصفر الأوراق به
من رجا خير في شرواك ماعينه = لاأنت سباق طيب ولاأنت لحاق به
مومس الوقت لو صلت ماهي دينه = يعرف البير واللي فيه ومن واق به
لا تحلف اليمين .. ولا نبي بينه = فارق الصدر يالسر الذي ضاق به
كل شخص له من الذل مافينه = وكل شخص له من العز مالاق به
زيـ ـن اللي تبي واللي تبي شينه = ماانت حول الطنايا لحيتك عاقبه

وتحياتي لكم...
محمد الزناتي