@ قصة عاشق بداية ونهاية @ مصافحة أولى

[السلطانه]

اعترف ودي اضمّك على صـدري
والغـلا والـودّ قطّـاع الانسامـي

فات حبك وسط قلبي وانـا مـدري
له سنه واصبح الى موتي إلزامـي

من غلاك آجاوب بصوتي الكـدري
ساعة يغرّد علـى سـود الايامـي

في عيونك شفت منزالـي وقـدري
مثل ماشفت اللكاعه من اخصامـي

ياعسل وادي النحل ياعسل سـدري
ياثمـار الشـام بأفـواه الاشوامـي

رمشك الفوقي إذا لامـس الحـدري
آتخيّـل منظـره تـقْـل قـدّامـي

من عذول الحب انا حيل متمـدري
ناس ٍ بدرب الهوا مثـل الالغامـي

ارتجيـك ودم الافـراح منـهـدري
مثل رجوى المدّ بـعيون الايتامـي

خافقي يحكيك بالـورد والصـدري
قالها الاول رعـا الحـب مايلامـي

وييييين..... ياشيخ الغلا توّنا بدري
دام قربك أُنسي ومصـدر إلهامـي
.



سيدي وشاعر المبدع

مضحي العليمي


كنت ومازلت من اشد المتابعين لقصائدك بل لماساتك الرائعة




سلمت يمناك وصح لسانك ايها المبدع




اختك / السلطانة