( ** الذيــــــــب الأمعـــــط ** )

[نواف هلال]

(( الشيخ الأمعط العواجـــي ))

.
.
.

(( الشيخ صالح الأمعط العواجي ))

.
.
.

(( إهداء الى الملازم أول / نومس بن صالح بن الأمعط العـــواجــي ))

.
.
.

( ** الذيـــب الأمعـــط ** )


.
.
.

من نجد سقت المفردة لين جدّه = لعيون من يطرب لطيبه مزاجي
يانومس إقبل مع وفاي الموده = ياولد صالح ياحفيد العواجي
يافزعة اللـّي وقف الحظ ضدّه = ياعز عين اللـّي ليا جاك ناجي
شرواك لامن جاه من فيه شدّه = يوقف معه ماهو من الناس راجي
دامه يجيه الطيب من جد جدّه = أبي أشعل بنيران فعله سراجي
وأجيه في موجٍ يجي دون سدّه = والذيب الأمعط فيه سر إبتهاجي
حرٍ قطع حبل الجفا يوم شدّه = نهجٍ لمحته في حدود إبتهاجي
لعيال وايل هيبته مستعدّه = تعلن أمان اللـّي عن الهم لاجي
مجدٍ قليل اللـّي بالأمجاد قدّه = صفوٍ قدر يمحو غمامة عجاجي
مثل البحر يطغى على الجذر مدّه = يبقى بعيني بالشرف مثل تاجي
طيبٍ وصل للروح وشلون ألدّه = قرار رافض عن رضاي إحتياجي
نومس ينومسني لو أعلنت ودّه = مادام فعله فيه يطرب مزاجي
ياولد صالح لك عظيم الموّده = يانسل الأمعط ياحفيد العواجي

.

.

.
.
(( أخوكم / نواف هلال ))