قــــــــصـــة الانـــســـــه((ياااااآآآنــســـه))

[اسير الغربه]

السلام عليكم ورحمة الله وبركاته

اضع بين يديكم هذه القصه والقصيده.....وانا عارف اني دوختكم ولكن اقسم لكم بالله ان كل مااكتبه حدث معي وبالموقف اكتب قصيدتي وان اغلب المواقف والاحداث التي تحصل في حياتي اكتبها ...واليكم القصه والقصيده,,,,,,

....................................
وهي انه في يوم من الايام اتصلت بي بنت مااعرفها الله يستر عليها وكانت غلطانه وتسأل. فرديت واناسارح بأفكاري بعيد وقعدت اقول مقاطع كلام مومفهوم.المهم البنت سألت عن شخص وقلت لها غلطانه اختي وقالت شكرا بس ممكن قبل اقفل تجاوبني عاى سؤال قلت (كيف ليه ويش نعم) ظحكت وقالت شفيك وش هالكلام قلت سلامتك وقالت فمان الله وقفلنا. وبعدها على طول وربي كتبت هذه القصيده...واهتميت ان اوصل الامانه وفعلا وصلت الامانه لها واسمعتها...


ولكم القصيده (((يااااااا آنـــــــســـــه)))

ياآنسه تكفين تكفين تكفين.... من وقتك اطلب لودقايق عطيني

حيثاُ قلبي ساطياً فيه جرحين... جرح الزمان وجرح آخر دفيني

ياآنسه وقتي عطاني من الشين...ويوم الفرح مايوم فكر يجيني

انا بعمري وافياُ للمحبين...في وقت به طبع الوفى صار شيني

ردت وقالت وش تبي يامسيكين.. نوبٍ تروح شمال ونوبٍ يميني

قلت الفعو ياآنسه لاتغلطين... راعي كلامك وافهمي واسمعيني

انابدوي ياآنسه واعرفي زين...طبع الوفى والجود مزروع فيني

بينت ظلم الوقت والناس دارين... واخـفيـت جـرحٍ شـايله من ظنيني

الصاحب الي مسكنه داخل العين... وابكل سهوله راح راح ونسيني

حاسب غيابه بالعدد عشرة سنين...ومن راح عني والحزن مكتسيني

من غاب زوله والحزن لي عناوين... وحبل الرجاء عيت تهده يديني

كلي امل يرجع ولومن بعد حين...وايشوف من فرقاه وشصارفيني

يمكن يحس ويرحم مرافق البين...والا يــخــلــيـنــي بحبه ســجـيني

ياآنسه ماظن بالحال تدرين...لوتــعـرفـيـن وربــي ألــتـرحـمـيـني

ياآنسه هذي جروح المحبين...هذي جروحي واظحه في جـبـيـنـي

بعــدكـذ يـاآنـسـه وش تقولين.... ردي علي يـاآنـسـه جـاوبـيـني

روحي وانا بروح والله لنا يعين... بس اطلبك ياآنـسـه تــذكـريني

وسلامتكم,,,,



الشاعر اسيرالغربه