شد عزمي - °~*¤®§(§ شبـــكة ويــلان العـربـيـه §)§®¤*~ˆ°

**حمد الوايلي** · 21/06/06, (08:45 PM)


	(شـــــــد عزمي) شــد عزمي قوة الصبر وجــلاده وصرت شامخ واقف بوجه القضيه جيت أ دور عن مفاتيح السعــاده قلت بابحث لين ألقــــاها بأيديه قلت بااترك قلبـــي يحب بأراده ويتمتع بالهوى بكل اريحـــــيه هيـــــه ناد الخل ياقلــبي وناده ودي أنك تلتقي بوحده وفيـــــه أصلها ماتعرضه غير السيـــــاده من بنـــــي وايل وتحديد 000يه ماتعـــرف الحب قبلك في فؤاده ومالهــــا ماضـــي مصفاه ونقيه تلتزم بالـــدين وتهدف للأفاده وتبنـي الآمال بالعيشه الهنـيه الأدب أسلوبــــها وعقل وركاده والشرف عنوانها وجــداً حييه همها تبني المعـــــزه والرياده وروحها لأجلك تقدمها هديه ودها تسعدك وتخلص بأجتهاده وتحمل النفس السعيده والرضيه ماتهــد البيت تبنـــي في عماده ماتحب المـــــــال جدأً واقعيه وصفها يحلى وياماأحلى وداده في جمال الروح تمتاز الأبيــــه هذي الي تفتح أبواب السهاده وتسعد النفس الحزينه والشقيه ماهي الــي طبعها هم ونكاده وهمها برستيجها وذيه وذيــه تحسب أن الفايده كثرت عناده ومن صفات العقل والفطنه خليه لابغت منك الطلب يكثر وداده ولاعطيت الشي تنسى هالعطيه همها تلبس وتكشخ ذا مراده وأنت يامسكين مجهول الهويه ماتعرف الشرع وفروض العباده وأصلها من ساسها الأول رديه دارسه ومتعلمه وآخذه الشهاده وهي بواقعها تصنف جاهليه آخذه أسلوبهــــا طبــعٍ وعاده والنصـــــايح ماتغيرها غبيه هذي الي تقفل أبواب السعاده ولو حياتك بالهنا تصبح شقيه