قصيدة (قسم بالله مااردك)

[عبدالله البذيلي]

السلام عليكم ورحمة الله وبركاته

هاذي قصيده اعجبتني وقلت اني اكتبها وعسى تحوز على رضاكم

وماادري من كاتبها واللي يعرفه يقول لي منهو


قسم بالله ما أردك



تبين البعد أبد حاضر قسم بالله ما اردك

ولكن لاتجيني يوم بقولة تكفى لك أنا حنيت



أشوف إنك تورطتي بشي كبير مو قدك

ماظني تنفعك بكره حسافه وليتني ياليت



على بالك ابترجى وكل الخوف من صدك

ترى قبلك كثير اللي ترجوني ولاترجيت


إذا عشقك يوطيني لا أبوجده لا أبوجدك

وإذا مليتي من قربي فأنا منك بعد مليت



أخاف انها تصانيف وشياطين تب تحدك

وأخاف إني اوري لك شياطيني لو أنحديت



وأنا والله ماودي ولكن كنه بودك

تشوفي ردة افعالي ليا صديتي وصديت



ابرسل لك سحر طيفي يجرك من ورى سدك

يجيبك لآخر دروبي وانا ماقمت وتعنيت


يخيل لك صدى صوتي وهمس الشوق بيهدك

تناديني .. تناديني ..تناديني ولا رديت


تحسين بدفا صدري كأنه مصدر يمدك


دفا هالكون رغم اني بعيد وتوني ماجيت



ولامن غمضت عينك تحسي يدي بيدك

ولامن فتحت عينك تشوفيني بزوايا البيت



أبنزل مع دموع الهم واهدي في طرف خدك

لأجل ما أنحت الفرقا واوثقها هنا مريت



لأني ساكن بدمك وقلبك واقف ضدك

دمارك بعدي لو لحظه فما بالك إذا اقفيت


مدام انك سمعتي اللي أقوله وأبتدأ يشدك

خذي مني هديه لك حلالك واحفظي هالبيت


تبين البعد أبد حاضر قسم بالله ما أردك


ولكن لاتجيني يوم بقولة تكفى لك انا حنيت



(............... منقووول لأنه رائع ...................) وتحيــــــاتي لكم