°¨]§[° حنا هل الحايط °]§[¨°°

[مبروك الجابر]

يسرني ان اطرح هذه القصيدة وهي تعبر عن نفسها
وكلي امل ان تحوز على رضاكم واعجابكم

حنا هل الحايـط عـدو المعاديـن=لطامـة العايـل بوقـت النشابـه
يشهد لنا روس القلع والنياشيـن=ويشهد لنا الوادي ويشهد ترابـه
ياما ثنينا دون خضـر البساتيـن=كم عايـل دونـه كسرنـا ركابـه
لثارت البنـدق وعـج الدخاخيـن=الموت حنى باللقـاء مـا نهابـه
شجعان يوم الحرب بوسط الميادين=تاريخنـا مـا جـود كـل قرابـه
جوه النشامى مثل طيور الشياهين=وكل فرح يوم القـدر هـو لفابـه
صارت عليهم مثل ضو البراكيـن=واقفوا وكل صار ينقـل صوابـه
من فعلنا راحوا شتـاتٍ وقسميـن=واللي وقع بالقاع ضايـع حسابـه
يالابتي يا قايميـنٍ علـى الديـن=حق الله الواجـب رفعنـا نصابـه
وحنا الجوابر يا لرجال الفهيميـن=نستقبل المقبـل بطيـب ورحابـه
أهل الكرم والجود من ماضي سنين=وفي دارنـا مـا واحـد رد بابـه
اليا لفانـا مـن بعيـد وقريبيـن=حقه مقـدم قبـل حـق القرابـه
واجب علينا من جـدودٍ كريميـن=عاداتهـم بالطيـب كـل درابــه
وصلاة ربي عد ما ترمش العيـن=وعداد ما يكتب بصحـف الكتابـه
لمحمـد المختـار سيـد النبييـن=رسولنا اللـي تابعتـه الصحابـه

ولكم مني كل التقدير