تذكرّتك وانا في عالم النسيان
........................ بعد موت اليقين بخنجر الريبه
تذكرّتك واحس اني لحد الآن
.................... اشوفك شي واقع صعب تكذيبه
تعال اعاتبك . ومعاتب الخلاّن
..................... الذ من الرجا . واقبح من الخيبه
حبيبي ليه تتركني مع الأحزان
............... تجاهل وش مصيري وانت تدري به !
اذا قلبك قدر يجزيني النكران
............... ظناك اللي بحشايه ويش اسوي به ؟
حرمته من حنانك والسبب وش كان !
..................... كلام الناس !! لا ياعيبة العيبه !!
حبيبي والجفا والبعد والهجران
................. مصيبه والله ان مابعدها مصيبه
وانا مثل الرياض ليا ابتعد ( سلمان )
.................. تذوب من النوى لا طوّل الغيبه
حبيبي الحق الباقي من الوجدان
................ قبل هاالشوق تذبحني مخاليبه
ثلاث شهور وانت بلا سبب زعلان
............ ثلاث شهور واسمك بس اهذري به
تعبت آكون ( أنثى ) مالها ربّان
............. ضحيّة للحسد , والحقد , والغِيبه
تُرى كم ساءَ بي ظن وحكابي لسان
................ بعد ماكان لي من هيبتك هيبه
وانا أنثى واعاني لوعة الحرمان
.......... واذا لي عيب واحد ... عيبي الطيبه
اختكم ,,, نــور[/size]«®°·.¸.•°°·.¸¸.•°°·.¸.•°®»
03/05/06, (12:47 PM)
مصافحة اولى لقلوبكم
العرض الشجري