ولاتامـن الـوقـت لـونـك تهنيـتـه

[سعود العنزي]

الشاعر خليف الوهيداني

امس العصر عالـي المرقـاب عديتـه=عديت راس الجبل من ضيقـت البالـي
في قمته هاجسـي جانـي وانـا جيتـه=وحييت هاجـوس قلبـي يـوم حيالـي
وسقت المثايل وعال الصـوت جريتـه=غنيـت للهاجـس الاقشـر وغنـالـي
جلست ليلـي ياليـن الصبـح صليتـه=اناجي النفس في جـو الخـلا الخالـي
وياتيلـي القـيـل وانــا ماتطريـتـه=كنـه يقـول استلـم نغمـات جـوالـي
وانـا اتخيـر منـه باللـي توريـتـه=اختارعـذب الكـلام وزيـن المثـالـي
ولا اقول انا الشعر بـس اللـي توليتـه=كم واحـدن بالشعـر ناقـض وفتالـي
وانـا اتوسـع بقيلـي يـوم سويـتـه=ماهمني من يقـول ومـن بعـد قالـي
لوني احسـب حسـاب اللـي توحيتـه=واسمع من اللي لشيـن الهـرج نقالـي
اموت ماجيت بعـض اصحابنـا بيتـه=واسمع علوم(ن)عن اقصى الناس وموالي
الهـرج مـن دونـه البيبـان صكيتـه=ولاداني اللـي لعفـن الهـرج شيالـي
ومن صـد عنـي قصـرت ولا تقفيتـه=يمشي بفاله وانـا بمشـي علـى فالـي
لـو انقطـع والله انــي ماترجيـتـه=يانعنبـو مـن ترجـا عـز النـذالـي
لـه ماتـورا وانـا لــي ماتوريـتـه=لولا اختـلاف السلـع مابيـع بريالـي
من طاب فيه بجـزل الطيـب جازيتـه=ومن احترمنـي فـداه الحـال والمالـي
ولاتامـن الـوقـت لـونـك تهنيـتـه=كـم واحـدن غرتـه دنيـاه ونشالـي
شف كيف صدام يومنـه طلـع صيتـه=زعيـم واليـوم لا دولـه ولا اعيالـي