كثر مايعشق الويلان في رسم الشماليه

[بعيدالهقاوي]

تعالي يابعد عمري قبل يبدون باالاصوات=ابي اجلس انا وياك جلسه شبه سريه
جلسه مابها ترشيح ولالمه ولاجمعات=ولاتعليق ولاتلفيق ولاكروت انتخابيه
ولا اعلان وقال افلان ولاشهره ولانشرات=ولاحشيت بمرشح ولامرشح يحش بيه
ترى ممنوع باالتصويت لاعسكرولابنيات=وانا كل صبحي باالميدان وانتي بنيه ياخفيه
اجل وش رايك الليله نبدانفرز الاصوات=ابا اشرحلك عن اوضاعي وترى الارزاق باالنيه
عطاالله محمد سويد عمري باالثلاثينات=تركت المدرسه من قبل عشر اسنين واشويه
وديني واصل هنيا والاعرف دفتر الشيكات=لاسافرت للمغرب ولا شرق السعوديه
ولالي أي علاقة نت والااغازل على الشاتات=لاإميل وماسنجر ولاشاتات صوتيه
ولاتغريني ال بي سي ولا رقص العراقيات=لاسهرات روتانا ولاحظر الخليجيه
عندي قلب لوضمك مايزعجك مايزعجك بالخفقات=تحسين بكثر حبك وارض القلب محميه
يحبك كثر مايبدع فهد عواد باالابيات=كثرشوقي لفناجيله كثر مااحسه هنيه
كثر مايعشق الشلهوب شباك الخوجلي بالذات=كثر مايعشق الويلان في رسم الشماليه
اشوف المعجزات السبع ثمان وكلهن دينات=لأن المعجزات ايديك واصابيعك خرافيه
هاذي مسك وذي عنبر وذي دجله وذي فرات=وذي ياقوت وهاذي توت وذي نرجس مثل ذيه
بقي الابهام ولاودي احسبهن مع الحسبات=كذا ننزل وانا ارفعك عن اشياء تحتيه
دخيل الموج لامنه على متنيك جاء إيبات=رشحيني على قلبك ترشيحه نهائيه
بلا تعليق ولاتلفيق ولاتصفيق ولااصوات=ولالمه ولاجمعات ولاكروت انتخابيه
مادام البنت ماتصوت وصوت العسكري باشتات=صوتيلي واصوتلك بجلسه شبه سريه