ياحمد يابن الخليفه يالكريم
جيتك البحرين ولي عندك طلب
بالمنامه عندكم روحي تقيم
ما قويت افراقها والله صعب
وانت تعرف يابوسلمان الحريم
لا عشقناهم يجيبون التعب
امها صارت لي ابليس الرجيم
حطت بدرب الغلا نار وحطب
وافترقنا ثم اصبحت اليتيم
وانت ما ترضالي ابقى مغترب
ضربة ن لا شك جتني بالصميم
والله يجازيه من كان السبب
وانت ياسيدي بهالديره حكيم
شيخ لك وقفات فزعه تنحسب
انعرف بالطيب فعلك من قديم
تشهد البحرين انك من ذهب
ردها لي ياعسى عمرك يديم
ما بقا غيرك عضيد من العرب
والله اني عاشق ولا زلت اهيم
والمحب امحال ينسى من يحب
غازي العايد
30/03/14, (07:00 PM)
تشهد البحرين انك من ذهب
العرض الشجري