خلوني ادله مايفيد النقاشي =دام الفكر من بث الاخبار محتار

[سيف العنزي]

السلام عليكم ورحمة الله وبركاته

اليكم هاالقصيدة اتمنى تنال اعجابكم بعد الانقطاع

خلوني ادله مايفيد النقاشي =دام الفكر من بث الاخبار محتار
احيان اقول إن العقل منه طاشي =واحيان اقول انه علامات وانذار
يابث لاترسل كفاية بلاشي =حال العرب مثل لنا بصمة العار
ربيعنا لصهيون صار انتعاشي =وحنا لك الله ساقنا يم الاخطار
النار تشعم باالخضر والهشاشي =وشعارنا ثورة وميدان واحرار
صوت انفجار القنبلة والكلاشي=ومخططات الغرب في كل الاقطار
واسيادنا تفخر بجمع الحواشي =وتصعد سنام المجد من غير مصدار
غنت لها فيروز والقلب غاشي =هذا على شعبه وهذا على الجار
وهذا يذل مواطنه باالمعاشي =ويرسل على عمه من الكاش مليار
ياالله عساها للبلش والقشاشي = وياالله تمحا كل طاغي وجبار
يا أمة التوحيد لا أنداهشي = هذا هو الحاصل وبركانها ثار