السلام عليكم ورحمة الله وبركاته
اعذرونا على الغياب واعدنا لكم بخاطره متواضعه جدا ولكن التنسيق رفض يجي معي
--------------------------------------------------------
عسى الله يعين اللي اليافات نصف اليل = سرح مع هواجيس لاجت ضيقت صدره
والارض عرض بطول ومن الوطا لسهيل = عليه اضوق من الفتحه اللي في الابره
يـجـاحد هـواجـيسه عن القال واهل االقبل = ولكن تـالـي الـوقـت عجزوفقد صبره
يـحـاول يــعدلـهـا وهـي مـالـهــا تـعـديل = وامــنــيـن مـاحــاول بـهـا مـالـها دبره
عـلامــات حــزنــه فـي جبينه لها تحليل = وان جــر صـوتـه نغـمـة الحزن بالنبره
لوانـه كبير ويمـســح الدمـع باـلـمنديل = لاتسـتغـرب دمـوعـه ولـوكـان وش كـبـره
صحيح الرجل مثل الجبل في طريق السيل = ومـاصـابـتـه مـن نـايـبه تـعـتـبـر عبره
لكن بـالنـهـايـة لـه مشـاعـرعـطـوفه حيييل = وله احساس في بعض المواقيف تختبره
ماعـنــده عصا موسى ولامقدرت جبريل = وان رق قـلبـه دمـعـتـه جـات منـحــدره
لـو اقـول وش اسـباب مـاقـلت بالتفصيل = يتعب المؤلف والقلم ينتهي حبره
لكن نوديها ورا الشمس فوق سهيل = والسرفي صدري ووسط الحشاء قبره
16/12/12, (11:46 PM)
عسى الله يعين اللي اليافات نصف اليل
العرض الشجري