رساله إلى الشيعه في الخليج

[عبدالعزيز العدواني]

بسم الله ابدا واستهل السيره=عسى قصيدي يا عرب به خيره
صلى الله وبارك على احمد وآله=في محكم التنزيل ما به حيره
باسمي وباسم السنه وقايدها=وباسم الخليج وباسم من به غيره
نهدي سلام(ن) خالص(ن) للشيعه=لا خوف لا رجوى ولا به طيره
الرب واحد والرسول محمد=وصحابته مثل النجوم منيره
صالو وجالو والمعارك تشهد=بسيوف لارقاب العدو شطيره
وماتو وكل علومهم عند الله=الله هو اللي يعلم السريره
يا اخواننا الشيعه نصيحه مني=والقول ما يحلى بلا تمريره
خلو هقاوي شيخكم في صدره=والحق واضح مثل ضو النيره
ان كان ملتكم صحيحه فانتم=تقياكم اصلح من خراب الديره
وان كانكم بالباطل وكابرتو=يوم القيامه ما بها تشميره
المسأله ماهي دعاية تايد=لامن طلع منتوج له تسعيره
المسأله دين وهدى مع تقوى=والا الحلى يسمج بزود الشيره
إيران ماهي سيدة موقفكم=ولا عندها لكسوركم تجبيره
حنا عرب وانتم عرب تجمعنا=عاداتنا لهجاتنا والجيره
حنا عرب وانتم عرب تجمعنا=أرض الخليج وقبله وتكبيره
حنا عرب وانتم عرب والمعنى=واضح ولا يحتاج له تشفيره
هدو عليكم بارضكم وارتاحو=أمن وأمان وراحه وتصفيره
ما عاش من خرب على وحدتنا=ولا عاش من خلى البلد تعميره
يشهق هواها ويا شبع يزفرها=ويصير للعالم علينا عيره
تكفون يا ابناء البلد يالشيعه=عيشو بامان وحسن سير وسيره