شمس ......وستاير

[ابو غريب العبدلي]

اقتباس:
المشاركة الأصلية كتبت بواسطة حمد الضوّي
اقتباس:
المشاركة الأصلية كتبت بواسطة ابو غريب العبدلي

الشمس ماتحجب سناها الستاير=ان كانت اقلوب الخليقه بصاير
الحق نور وفيه قدره عجيبه=واللي كتبه الله .. للعبد صاير
الرب ماتخفا عليه الخفيه=علام ماتخفيه كل الضماير
حتى النوايا مسجله في سجله=لايفكر الانسان عنده سراير
من يتبع اللي له مرامي دنيه=يذوق من كاس الليالي حساير
والنفس ترمي من يطاوع هواها=يشوف كيف تسلمه للجراير
اشوف في ها الوقت عجب العجايب=من ناس تاخذها بسيط الغراير
اهل السيوف اللامعه والمفاخر=اليوم طعم اللابسات....الخماير
خوذو من العبره على مثل هذا=طيرن يطير ومنه الريش طاير
لاشاف نفسه معتلي في سمانا=يشوفنا بالارض مثل الذراير
واذا نوى يسد جوعه تحدر=يلقط فتافيت البشر والكساير
من لارفع شانه واسمه وقومه=تراه يسمع من هل العرف عاير
اقولها قول الفتى للحقيقه=العلم يبقى لوتدور الدواير
والطيب ماتلقى وراه الخساره=تجيك من فعل المكارم بشاير
وسبحان ربي عد ماكبرو له=حجاج بيته عند طهر الشعاير

سلامتكم

ابو غريب العبدلي

تم التنسيق وأنت تأمر أمر يالبناخي
والف صح لسانك على القصيده المعبره والتي تحتوي
على كثير من العبر والحكم المفيده لله درك يامبدع ياراقي



انقى تحيه لشخصك الكريم

صح بدنك ياتاج الراس بيض الله وجهك حتى ترضى ماقصرت وشكرا على الكلمات الطيبه