اشعار الرومانسيه - °~*¤®§(§ شبـــكة ويــلان العـربـيـه §)§®¤*~ˆ°

**طيف القصيد** · 21/02/12, (11:05 PM)

البــارحــه شـاطــحه واللــيل سراقـك=وابيات شعري سرت يـمك طواعـيـه
الــبارحه جوها المجــنون مشتاقــك=محتاج ضـمة خفوقك يابعد حــيـه
ذبحتني بالغلا ياكل عشاقك=ياقاتلي بالغرام اطــالــبك ديــه
اعشق هطولك واخايل وسم براقك=واعانــقــك ديمة تزهر مراعــيه
ياعمري الى دعــاه الوجد لعــناقك =وحكايــته بالهوى ماهيــب عاديــه
حدانــي الوقت وادري به بعد عاقــك=وادري غلاتــي بقلبـك واحســن النيه
اعشق وصالك وقلبي يكره افراقــك=واعشق حروف الاسم واحيا ب طاريه
البارحه شاطــحه والنوم مالاقك=ياعيني على تعاف الــنوم محديـه
احس غربة مشاعر تسكن احداقك=ولاانا وووين واشعار الرومانسيه
ياقلبي اللي شكيت المر بغلاقك =وش لك بدرب الهلاك وذي مواريه
عداك درب الغرام ورحت ماباقك=مايطلبك شي لازينه ولاسيه
ويالايمي بالقصيد اهداك وارفاقك=لاجتك الاشعار مني بنسيابيه
ان راقك القول ولامابعد راقك =ون قلت هالشاعره صارت هواويه
بعض القصايد ازينها على اذواقك=والبعض الاخر من همومن سرت بيه
اختار من بدى لك واجمع اوراقك=والله عليم عن السر وخوافيه