وانا رفيقك كان قال الزمن اوف(صوت وصدى ) الشاعر صبيح العوض الجعفري +ابوغريب العبدلي

[ابو غريب العبدلي]

تشرفت با اسناد الشاعر القدير صبيح العوض الجعفري العنزي وصح السانه على
ما شرفني وتوجني به وماعليك زود يابوعوض ووسام على صدر العبدلي





قصيدة الشاعر القدير صبيح العوض





يالعبدلي طيبك له سنين معـــــــــروف /// وانت الذي شـــرفت كل القبيـــلــه



على دروب المرجله دوم ملهـــــــــوف /// حر/ن تعلى فوق راس الطـــويلــــه



لو كان منته بالمشـــاوير مكلـــ،ــــوف /// فيك الحمـــيا وانت راع الجميـــلــــه



لك مجلس/ن يامن به الي به الخــوف /// تكرم بـــه العانين في كــــل ليلـــه



وعيال وايل بالمـــــواقف لك سيـــوف /// حــــــرام منهم ماتجيك الفشــــيله



اقولــــها مالــــي مقاصــــد ولا شفوف /// ياغير مـــدح الي كســـب للجزيلـه







رد متواضع ابوغريب العبدلي
تقدير لحروفك ابي اقف لها وقوف = واقرا القصيده بكل لحن ن وشيله
واصافح ابياتك كما مصافح اكفوف = وخل الجزيله تصتدم بالجزيله
ياصاحبي لاطبت فاالطيب مكلوف = الطيب والله يابن عمي يبيله
ماني محسبها جمايل ومعروف = الطيب بالويلان اول خصيله
اجدادنا ماجاء بهم شح او خوف = وعلى ردات الحال قوم وقبيله
متوارثين المجد والعالم تشوف = ومن ضيع العادات ضيع سبيله
ياشوق من خصره كما الريم ملهوف = انا خويك بالسنين الطويله
الرجل تقطع سكة ايامه ظروف = وينخى رجالن يطلبون الجميله
وانا رفيقك كان قال الزمن اوف = همك كبير وصاحبك يرتكيله